එලොන් මස්ක් පවසන්නේ ඔහුගේ කෘත්රිම බුද්ධි (AI) ආරම්භක සමාගමේ Grok Chatbot, ඉතා ඉක්මනින් ටෙස්ලා (Tesla Inc.) වාහනවලට එක්වන බවයි.
“Grok ඉතා ඉක්මනින් ටෙස්ලා වාහනවලට එනවා,” යනුවෙන් මස්ක් බ්රහස්පතින්දා X ඔස්සේ පළ කර තිබුණා.
ටෙස්ලා ප්රධාන විධායක නිලධාරීවරයා මෙම සැලැස්ම පිළිබඳව අදහස් දක්වා ඇත්තේ, Grok හි නව සංස්කරණයක් සජීවී විකාශයක් ඔස්සේ ඉදිරිපත් කිරීමෙන් පැය කිහිපයකට පසුවයි. මස්ක් සහ ඔහුගේ කණ්ඩායමේ සාමාජිකයන්, වැඩිදියුණු කළ හඬ සංවාද හැකියාවන් සහ OpenAI ඇතුළු අනෙකුත් ආකෘතිවලට වඩා නව AI පද්ධතිය ඉහළ ලකුණු ලබා ඇති බව පෙන්වන මිණුම් සලකුණු (benchmarks) පිළිබඳව මෙහිදී අවධාරණය කර තිබුණා.
