පසුගිය දිනවල වැල්ලවාය ප්රදේශයට ඇද හැලුණු මහ වැසි හේතුවෙන් ප්රදේශයේ ගොවීන් දැඩි අසරණ තත්ත්වයකට පත්ව ඇත. සැනසුම වැව යටතේ වගා කර තිබූ කුඹුරු අක්කර සිය ගණනක් එක රැයින් විනාශ වී ඇති බව වාර්තා වේ. අධික වර්ෂාවත් සමඟ වැව පිටාර ගැලීමෙන් විශාල ජල කඳක් කුඹුරු හරහා ගලා ගොස් ඇති අතර, එමගින් සති ගණනක් තිස්සේ මහත් වෙහෙසක් දරා වගා කළ ගොයම් පැල මුලින්ම ගැලවී ගොස් ඇත. ඇතැම් කුඹුරුවල විශාල වැලි තට්ටු තැන්පත් වී තිබීමෙන් ඒවා නැවත වගා කිරීමට පවා නොහැකි තත්ත්වයක් උදාවී තිබේ. ජීවිකාව ලෙස ගොවිතැනින් යැපෙන මේ අසරණ ගොවීන්ට සිදුව ඇති මෙම මහ විනාශය හේතුවෙන් ඔවුන්ගේ ඉදිරි ජීවිතය පිළිබඳව විශාල ප්රශ්නාර්ථයක් මතුව ඇත. මෙම තත්ත්වය වැල්ලවාය ප්රාදේශීය ලේකම් කොට්ඨාසයට අයත් ගොවි ප්රජාවට දැඩි බලපෑමක් එල්ල කර තිබේ
.
