NASA එකේත් කරදර! අභ්‍යවකාශයේදී අද්භූත ලෙස අතුරුදන් වූ යානයක් යළිත් හමුවෙයි!

නාසා ආයතනයේ TRACERS මෙහෙයුමේ අභ්‍යවකාශ යානයක් වන SV1, අභ්‍යවකාශයේදී අද්භූත ලෙස සම්බන්ධතා නැතිවී ගොස් තිබුණා. මේ සිදුවීමත් එක්ක නාසා විද්‍යාඥයන්ට ඇතිවෙලා තියෙන්නේ ලොකු ප්‍රශ්නයක්. යානය සමඟ යළිත් සම්බන්ධතා ඇතිකර ගැනීමට ඔවුන් සමත් වුවත්, ඇත්තටම සිදුවුණේ කුමක්ද කියන එක තවමත් අභිරහසක්. පෘථිවියේ චුම්බක ක්ෂේත්‍රය සහ ශක්ති හුවමාරුව අධ්‍යයනය කරන මේ මෙහෙයුම, විද්‍යාත්මක දත්ත ලබාගැනීමට ඉතා වැදගත්. SV1 යානය අතුරුදන් වීමත් සමඟ වැදගත් දත්ත රැසක් අහිමිවී ගොස් ඇති අතර, දැන් ඔවුන් උත්සාහ කරන්නේ යානයේ සියලු පද්ධති යථා තත්ත්වයට පත්කර, නැවත විද්‍යාත්මක මෙහෙයුම් ආරම්භ කිරීමටයි. බලශක්ති, සන්නිවේදන, සංචාලන පද්ධති සහ යානයේ ඇති සියලු උපකරණ පරීක්ෂා කරමින් සිටින ඉංජිනේරුවන්, යානය සම්පූර්ණයෙන්ම ක්‍රියාත්මක කිරීමට තවමත් වෙහෙසෙනවා. සම්බන්ධතා නැවත ඇති කරගත්තත්, දත්ත බාගත කිරීම, උපකරණ ක්‍රමාංකනය කිරීම සහ අනෙකුත් උප පද්ධති පරීක්ෂා කිරීම වැනි තවත් බොහෝ දේ ඉතිරිව තිබෙනවා. අභ්‍යවකාශයේ සිට මෙවැනි යානයක් රෝග විනිශ්චය කිරීම අතිශයින් දුෂ්කර කාර්යයක් වුවද, SV1 යානය ඉක්මනින්ම යථා තත්ත්වයට පත්කර ගැනීමට හැකිවනු ඇතැයි නාසා ආයතනය බලාපොරොත්තු වෙනවා. මේ ‘අභ්‍යවකාශ අර්බුදය’ ගැන තවත් තොරතුරු ඉදිරියේදී හෙළිවනු ඇතැයි Gossip King අපි බලාපොරොත්තු වෙනවා.