අම්බලන්ගොඩ දෙවනත් කළ වෙඩි ප්‍රහාරය: මෝදර දේවාල සභාපති ජීවිතක්ෂයට!

අද උදෑසන අම්බලන්ගොඩ නගරයටම භීතියක් එක් කරමින් අවාසනාවන්ත සිදුවීමක් වාර්තා විය. අම්බලන්ගොඩ නගර සභාව අසලදී සිදුවූ මෙම වෙඩි තැබීමෙන් මෝදර දේවාලයේ සභාපතිවරයා ලෙස කටයුතු කළ 54 හැවිරිදි මිරන්ත වරුෂවිතාන මහතා ජීවිතක්ෂයට පත්ව තිබේ. පෝරඹ ප්‍රදේශයේ පදිංචිව සිටි මොහු, ප්‍රදේශයේ ප්‍රබල චරිතයක් වන කරන්දෙණිය සුද්දාගේ මස්සිනා බවටද තොරතුරු වාර්තා වේ. සුදු පැහැති මෝටර් රථයකින් පැමිණි නාදුනන පුද්ගලයෙකු T56 වර්ගයේ ගිනි අවියකින් වෙඩි ප්‍රහාර එල්ල කර පලාගොස් ඇති බව පොලිසිය පවසයි. මෙම දරුණු අපරාධය පිටුපස ඇති සැබෑ හේතුව කුමක්ද යන්න පිළිබඳව මේ වන විටත් ප්‍රදේශය පුරා දැඩි කතාබහක් නිර්මාණය වී ඇති අතර, පොලීසිය සිද්ධිය සම්බන්ධයෙන් පුළුල් පරීක්ෂණයක් ආරම්භ කර තිබේ.