අධිවේගයේ මාරක අනතුරක්: රියදුරුට නින්ද යාමෙන් එක් අයෙකු මරුට!

ඊයේ (27) අලුයම 4:30ට පමණ මධ්‍යම අධිවේගී මාර්ගයේ කුරුණෑගල පිවිසුම ආසන්නයෙන් වාර්තා වූ රිය අනතුරක් මේ වන විට රටම කම්පාවට පත් කර තිබෙනවා. ඉදිරියෙන් ධාවනය වූ ලොරි රථයක පිටුපසින් පැමිණි මෝටර් රථයක් ගැටීමෙන් සිදු වූ මෙම අනතුරට ප්‍රධාන හේතුව වී ඇත්තේ මෝටර් රථයේ රියදුරුට නින්ද යාම බවටයි විශ්වාස කරන්නේ. අවාසනාවන්ත ලෙස, මෙම අනතුරින් මෝටර් රථයේ ගමන් ගත් මගියෙකු එම ස්ථානයේදීම ජීවිතක්ෂයට පත්ව ඇති අතර, බරපතල තුවාල ලැබූ තවත් දෙදෙනෙකු මේ වන විට කුරුණෑගල මහ රෝහලේ ප්‍රතිකාර ලබමින් සිටිනවා. අධිවේගී මාර්ගවල රිය පදවන විට ප්‍රවේශම් වීම සහ වෙහෙස දැනෙනවා නම් විවේක ගැනීම කොතරම් වැදගත්ද යන්නට මෙය තවත් ඛේදනීය උදාහරණයක්.