අද (ජූලි 18) පෙරවරුවේ දෙහිවල දුම්රිය ස්ථානය අසලදී වෙඩි තැබීමක් සිදුව තිබෙනවා. මෙම වෙඩි තැබීමට ලක්ව ඇත්තේ එම ස්ථානයේ සිටි පුද්ගලයෙක් බවටයි වාර්තා වන්නේ.
වෙඩි තැබීමෙන් බරපතල තුවාල ලැබූ අදාළ පුද්ගලයා වහාම කළුබෝවිල රෝහලට ඇතුළත් කර ඇති බව පොලිස් ආරංචි මාර්ග සඳහන් කරයි.
යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් මෙම වෙඩි තැබීම සිදු කර ඇති අතර, සිද්ධියෙන් පසු ඔවුන් එම ස්ථානයෙන් පලා ගොස් තිබෙනවා.
මෙම සිදුවීම සම්බන්ධයෙන් දෙහිවල පොලිසිය පුළුල් විමර්ශනයක් ආරම්භ කර ඇති අතර, සැකකරුවන් හඳුනාගෙන අත්අඩංගුවට ගැනීම සඳහා පරීක්ෂණ ක්‍රියාත්මකයි.
