ගණේමුල්ල සංජීව ඝාතන සිද්ධියේ ප්රධාන සැකකාරියක වන ඉෂාරා සෙව්වන්දිගේ මව, වැලිකඩ බන්ධනාගාරයේ රඳවා සිටියදී ජීවිතක්ෂයට පත්ව ඇති බව වාර්තා වනවා. ඇය හෘදයාබාධයක් හේතුවෙන් පෙරේදා (ජූලි 10) මියගොස් ඇති බවටයි තොරතුරු වාර්තා වන්නේ.
ගණේමුල්ල සංජීව ඝාතන සිද්ධිය සම්බන්ධයෙන් ඉෂාරා සෙව්වන්දිගේ මව සහ ඇයගේ සහෝදරයා පසුගිය පෙබරවාරි මස 24 වනදා පොලිසිය විසින් අත්අඩංගුවට ගනු ලැබුවා. අනතුරුව, අධිකරණ නියෝග මත ඔවුන්ව රක්ෂිත බන්ධනාගාර ගත කිරීමට කටයුතු කෙරුණා.
මෙම මරණය සම්බන්ධයෙන් ඉදිරි පරීක්ෂණ ක්රියාත්මකයි.
