දිනපතා දහස් ගණනක රෝගී දරුදැරියන්ට සත්කාර කටයුතු සිදුකරන බොරැල්ල රිජ්වේ ආර්යා ළමා රෝහල දකුණු ආසියාවේ විශාලතම ළමා රෝහලයි.
අදින් වසර 128කට පෙර රිජ්වේ ආර්යාව විසින් මේ රෝහල ආරම්භ කළ බව පැවසුවද පසුගියදා රෝහල් භූමියේ සැඟව තිබූ ඓතිහාසික මූලාශ්රයක් හමුවීමත් සමඟ එහි ඉතිහාසය ගැන යළි සිතා බලන්න සිදුවෙලා.
අපේ රටේ ආණ්ඩුකාරවරයෙකවූ ශ්රීමත් ජෝසෆ් වෙස්ට් රිජ්වේ මහතාගේ බිරිඳ වූ ලීනා රිජ්වේ ආර්යාව මුල් කර ගනිමින් රිජ්වේ ආර්යා ළමා රෝහල බිහිවුණු බවයි ඉතිහාසයේ දැක්වෙන්නේ.
එහෙත් පසුගිය දවසක රෝහලේ වෛද්යවරුන් ඇතුළු කාර්ය මණ්ඩලය ඩෙංගු මර්දන වැඩසටහන නිරත වෙමින් සිටියදී පස් අතර සැඟව තිබූ සමරු ඵලකයක් ඔවුන්ගේ නෙත ගැටෙන්නේ අහම්බෙන්.
ඒ සිහිවටන ඵලකය සඳහන් වන විදියට නම් වර්ෂ 1895 ජනවාරි 18 වැනිදා මේ රෝහලට මුල්ගල තබා තිබෙන්නේ රිජ්වේ ආණ්ඩුකාරවරයාට පෙර මෙරට රාජකාරි කළ සර් ආතර් හැව්ලොක් ආණ්ඩුකාරවරයායි.
හැව්ලොක් ආර්යාවගේ මූලිකත්වයෙන් මුල් ගල තැබූ මේ රෝහල නම් කර තිබුණේ හැව්ලොක් ආර්යාවගේ මාතෘ හා ළමා රෝහල යනුවෙන්.
අනතුරුව මේ රෝහල මහත් කැමැත්තකින් නඩත්තු කළ ලීනා රිජ්වේ ආර්යාව 1909 යේදී දරුවන් වෙනුවෙන් විතරක් වෙන් කළ තවත් ගොඩනැගිල්ලක් රෝහල් පරිශ්රයේ ඉදිකළා.
වසර 114ක් පැරණි එම ගොඩනැගිල්ල තවමත් ප්රතිකාර ලබන රෝගී ජනතාවට සෙවණ දෙනවා.
