විදෙස් Box Office වාර්තා බිඳ දමමින් “මෝඩ තරිඳු” ඉතිහාසගත වෙයි!

තිසර ඉඹුලාන අධ්‍යක්ෂණය කළ, සූරිය දයාරුවන්, ධනුක දිල්ෂාන් සහ කෞශල්‍යා ප්‍රනාන්දු වැනි දක්ෂ රංගන ශිල්පීන්ගෙන් හැඩවුණු “මෝඩ තරිඳු” චිත්‍රපටය, ලංකාවේ පමණක් නොව විදේශයන්හිදීද විශාල ජනප්‍රියත්වයක් ලබාගෙන තිබෙනවා. IMDb හි 7.6ක ඉහළ අගයක් ලබා ඇති මෙය, පවුල, ආදරය සහ මිත්‍රත්වය අතර සටන් කරන තරුණයෙකුගේ කතාවක් හාස්‍යය සහ අද්භූත අංග මුසු කරමින් ඉදිරිපත් කරන සුපිරි ස්වාභාවික ප්‍රහසන චිත්‍රපටයක්. නවතම වාර්තා අනුව, “මෝඩ තරිඳු” චිත්‍රපටය ඕස්ට්‍රේලියාවේ සහ නවසීලන්තයේ HOYTS සිනමා ජාලය හරහා ප්‍රවේශපත් 10,000ක සීමාව ඉක්මවූ පළමු ශ්‍රී ලාංකික චිත්‍රපටය බවට පත්වෙමින් ඉතිහාසගත වී තිබෙනවා. නොවැම්බර් 1 වැනිදා සිට ප්‍රදර්ශනය ආරම්භ කර දින 6ක් වැනි කෙටි කාලයක් තුළ මෙම විශාල ප්‍රේක්ෂක ප්‍රතිචාරය ලැබීම සැබැවින්ම සුවිශේෂී ජයග්‍රහණයක්. විදෙස්ගත ශ්‍රී ලාංකිකයන් අතර පමණක් නොව, විදේශීය ප්‍රේක්ෂකයන් අතරද මෙම චිත්‍රපටය ඉතා ජනප්‍රිය වී ඇති බව සමාජ මාධ්‍ය ප්‍රතිචාරවලින් පෙනී යනවා. නොවැම්බර් 18 වැනිදා Box Office ප්‍රදර්ශනය අවසන් වීමට පෙර මෙම විශිෂ්ට නිර්මාණය නැරඹීමට තවමත් අවස්ථාව තිබෙනවා.