බොලිවුඩයේ ආන්දෝලනාත්මකම නවතම චිත්රපටය වන ‘Saiyaara’ දැන් ඔබගේ නිවසේ සිටම Netflix ඔස්සේ නැරඹීමේ අවස්ථාව උදා වී ඇත! තිරගත වූ දා සිටම බොක්ස් ඔෆිස් වාර්තා තබමින්, ප්රේක්ෂකයන්ගේ හදවත් දිනාගත් මෙම චිත්රපටය, Yash Raj Films හි තවත් විශිෂ්ට නිර්මාණයකි. විශේෂයෙන්ම, ප්රවීණ නළු චන්කි පාන්ඩේගේ බෑණා වන අහාන් පාන්ඩේගේ (Ahaan Panday) සහ අනීත් පද්දාගේ (Aneet Padda) මංගල රංගනය මෙම චිත්රපටයේ ප්රධාන ආකර්ෂණයයි. ඔවුන් දෙදෙනාම තම මංගල රංගනයෙන්ම ප්රේක්ෂකයන්ගේ නොමද ආදරය දිනාගෙන තිබේ.
සංගීතමය ආදර කතාවක් වන ‘Saiyaara’, ක්රිෂ් කපූර් නම් සංගීතඥයා සහ වානි බාත්රා නම් කාව්ය ලෝලී තරුණිය වටා ගෙතී ඇත. වානිගේ අතීතය, ඇගේ රෝගී තත්ත්වය (ඇල්සයිමර්) සහ ඔවුන්ගේ අනාරක්ෂිත බව ඔවුන්ගේ ප්රේම සම්බන්ධයට බාධා පමුණුවයි. ආදරය පමණක් මේ සියලු බාධක ජය ගන්නේ කෙසේද යන්න මෙම චිත්රපටය මනාව විදහා දක්වයි. මෝහිත් සූරිගේ අධ්යක්ෂණයෙන් හැඩ වූ ‘Saiyaara’ හි රජේෂ් කුමාර්, ගීතා අගර්වාල්, වරුන් බඩෝලා වැනි ප්රවීණයන්ද රංගනයෙන් දායක වේ. IMDb දර්ශකයේ 6.5/10 ක අගයක් හිමි කරගෙන ඇති මෙම චිත්රපටය, දැන් Netflix ඔස්සේ ඔබට නැරඹිය හැකිය.
