2004 අවුරුද්දේ, මුළු ලංකාවම හැන්දෑවෙ ටීවී එක ඉස්සරහට ඇදලා ගත්ත, වචනයක් ගානේ, ඇක්ෂන් එකක් ගානේ බඩ අල්ලගෙන හිනාවෙන්න පුළුවන් ටෙලිනාට්‍යයක් තිබුණා. ඒ තමයි, “නාන කාමරේ”. පොඩි මහත්තයා, බිංදු, මැණිකේ, සුමනක්කා, සාදිරිස්, බහිරව… මේ චරිත ටික මතක් වෙනකොටත්, අදටත් ඔයාලගේ මූණට හිනාවක් එනවා නේද? Gossip King අපි අද මතක් කරන්න යන්නේ, අන්න ඒ සුන්දර අතීතය ගැනයි.
ගිරිරාජ්ගේ මොළේ සහ බන්දුගේ අලුත් වීම
“නාන කාමරේ” ගැන කතා කරද්දී, බන්දු සමරසිංහව වගේම, අනිවාර්යයෙන්ම මතක් කරන්න ඕන කෙනෙක් ඉන්නවා. ඒ, මේ අපූරු නිර්මාණයේ මොළකරු, ගිරිරාජ් කෞශල්‍ය. ඒ කාලේ, බන්දු සමරසිංහව ගොඩක් අය කොටු කරලා තිබුණේ “ජෝක්” කියන ලේබලයට. ඒත්, ගිරිරාජ්, බන්දු කියන අති දක්ෂ නළුවාව එතනින් එළියට අරගෙන, “පොඩි මහත්තයා” කියන අමරණීය චරිතය නිර්මාණය කළා. පොඩි මහත්තයාගේ චරිතය, බන්දුගේ සැබෑ පියාගේ චරිතය ආශ්‍රයෙන් නිර්මාණය වුණත්, ඒ අපූරු දෙබස්, ඒ තිර රචනය, සම්පූර්ණයෙන්ම ගිරිරාජ්ගේමයි. ගිරිරාජ් කියන්නේ, හරිම වෙලාවට හරිම විහිළුව කියන, සුපිරි ආතල් දෙන, ප්‍රේක්ෂකයාගේ නාඩි අල්ලලා හිනස්සන්න දන්න කෙනෙක්.
අමතක නොවන ජෝක්ස්
මේකේ තිබුණු විහිළු, අද කාලේ වගේ නෙවෙයි. හරිම සරල, ඒත් හරිම බුද්ධිමත්. රසිකයෙක් මතක් කරලා තිබුණු මේ ජෝක් එක මතකද?
ඇන්ටන් ජූඩ් (බහිරව) ටැංකිය ළඟ නානකොට, බන්දු (පොඩි මහත්තයා) කියනවා, “පස්සට වෙලා නානවකෝ, ඔය නාන වතුර ආයෙත් ටැංකියටනේ යන්නේ!” කියලා. එතකොට බහිරව කියනවා, “මං පස්සට උනාට, මගේ බඩ ඉස්සරහට එනවනේ!” කියලා. පොඩි මහත්තයාගේ උත්තරේ ඊටත් එහා, “එක්කෝ උඹ බඩ බස්සගනින්, නැත්තං තව පස්සට වෙලා නාපං!”
ඉක්මනින් ඉවර වුණු කතාව සහ “දර ගැරේජ්”
ගිරිරාජ්ගේ තිබුණු පුරුද්දක් තමයි, කතාව හොඳම තැනදී, කොටස් 30කට අඩුවෙන් ඉවර කරන එක. ඒ නිසා, “නාන කාමරේ” කොටස් 26කින් ඉවර වුණා. ඒත්, ඒකට ස්වර්ණවාහිනිය නම් එච්චර කැමති වෙලා නෑ. ඒ නිසා වෙන්න ඇති, පස්සේ කාලෙක බන්දු සමරසිංහගේම අධ්‍යක්ෂණයෙන්, “දර ගැරේජ්” කියලා තවත් නාට්‍යයක් හැදුණා. ඒකත් ඒ වගේම රසවත් වුණාද, නැද්ද කියන එක නම්, රසිකයින්ම තීරණය කළ යුතු දෙයක්!
ඉතින්, ඔයාලට මතකම “නාන කාමරේ” ජෝක් එක මොකක්ද? Comment එකක් දාගෙන යමු බලන්න!
