මේ සති අන්තයේ අමතක නොවන අත්දැකීමක් විඳගැනීමට ඔබත් සූදානම්ද? ශ්‍රී ලංකාවේ ප්‍රමුඛතම මාධ්‍ය ජාලයන් වන ස්වර්ණවාහිනිය සහ ශ්‍රී FM එක්ව ඉදිරිපත් කරන, දැවැන්ත “ස්වර්ණ ශ්‍රී සරුංගල් සැණකෙළිය”, අගෝස්තු මස 10 වන ඉරිදා, මීගමුව වෙරළතීරයේදී පැවැත්වේ. වර්ණවත් සරුංගල්, මුහුදු සුළඟ සහ සුපිරි තරු පිරිවරාගත් සංගීතය එකට එක්වන මෙම සැණකෙළියට ඇතුළුවීම සම්පූර්ණයෙන්ම නොමිලේ වීම විශේෂත්වයකි.
දවස පුරා මීගමුවේ අහස් කුස විවිධ වර්ණයේ සහ හැඩයේ සරුංගල්වලින් අලංකාරවත් වන අතර, ඔබට, ඔබේ පවුලේ අය සමග පැමිණ මෙම විනෝදයට එක් විය හැක.
සවස 5 සිට, මීගමුව වෙරළතීරය දැවැන්ත සංගීත සන්ද්‍යාවකින් දෙවනත් වනු ඇත. ශ්‍රී ලංකාවේ ජනප්‍රියතම තරු රැසක් එකම වේදිකාවකදී හමුවන මෙම ප්‍රසංගය, ප්‍රවීණ ගායන ශිල්පීන් වන හනා ෂෆා, ලහිරු පෙරේරා, සංක දිනෙත්, භාතිය හා සන්තුෂ් (BNS), සහ රෙඩ් (Red) ඇතුළු තවත් බොහෝ ශිල්පීන්ගේ ගීතවලින් වර්ණවත් වීමට නියමිතය.
එසේනම්, අගෝස්තු 10 වන ඉරිදා දින, මීගමුව වෙරළතීරයට පැමිණ, දවස පුරා සරුංගල් සැණකෙළියේ විනෝදයත්, සවස් කාලයේදී සුපිරි තරු සමග සංගීතයේ මිහිරියාවත් නොමිලේම විඳගන්න. ස්වර්ණවාහිනිය සහ ශ්‍රී FM ඔබ සැමට ආරාධනා කරයි!
