ලොව පුරා රසිකයන්ගේ නොමඳ ආදරයට පාත්‍ර වූ, “Pretty Little Baby” ගීතයෙන් මෑත කාලීනව නැවතත් අතිශය ජනප්‍රියත්වයට පත් වූ පොප් ගායිකාවක් සහ නිළියක් වන කොනී ෆ්‍රැන්සිස් (Connie Francis) මියගොස් තිබෙනවා. ඇය මිය යන විට 87 වැනි වියේ පසු වුණා.
“Lipstick on Your Collar” සහ “Who’s Sorry Now?” වැනි ගීත හරහා ද දශක ගණනාවක් පුරා සංගීත ලෝකය ආමන්ත්‍රණය කළ ඇය, ගෝලීය වශයෙන් විශාල රසික පිරිසක් හිමිකරගෙන සිටියා.
විදෙස් මාධ්‍ය වාර්තා කරන ආකාරයට, ෆ්‍රැන්සිස් මෑතකදී වේදනා ගැටලු හේතුවෙන් රෝහල් ගත කර ඇති අතර, මෙම මාසය මුලදී ඇතැම් ප්‍රසංග අවලංගු කිරීමට සිදුවූ බව ඇයම සමාජ මාධ්‍ය ඔස්සේ සඳහන් කර තිබුණා.
ඇයගේ අභාවය, ලොව පුරා සංගීත ලෝලීන්ට සහ ඇයගේ රසිකයන්ට දැඩි සංවේගයක් ගෙන දෙන පුවතක්. ඇයගේ ගීත සහ රංගන දායකත්වය ලොව පුරා මිලියන ගණනකගේ හදවත් තුළ සදාකාලිකව රැඳී පවතිනු ඇති.
