ඇමති හඳුන්නෙත්තිට වරදින් ‘නොබෙල්’ ප්‍රයිස්! සමාජ මාධ්‍ය උණුසුම්!

කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පසුගියදා කළ ප්‍රකාශයක් මේ වන විට සමාජ මාධ්‍ය තුළ දැඩි කතාබහට ලක්ව තිබෙනවා. ශ්‍රී ලංකාවේ තේ නිෂ්පාදනයක් ලැබූ ගිනස් වාර්තාවක් සම්බන්ධයෙන් අදහස් දක්වද්දී, ‘ගිනස් වාර්තාව’ යන වචනය වෙනුවට අත්වැරදීමකින් ‘නොබෙල් තෑග්ග’ යන වචනය භාවිත වූ බවයි අමාත්‍යවරයා පසුව පැහැදිලි කළේ. මෙම සිදුවීමට මුල් වූයේ, ජපානයේ පැවති තේ වෙන්දේසියක දී ‘නිව් විතානකන්ද සිලෝන් කළු තේ’ සඳහා ලෝකයේ මෙතෙක් තේ සඳහා හිමිවූ ඉහළම මිල වාර්තා වීමයි. මෙය ශ්‍රී ලංකාවට ගෝලීය කීර්තියක් ගෙන දුන් සුවිශේෂී ගිනස් ලෝක වාර්තාවක්. සිය ෆේස්බුක් ගිණුම ඔස්සේ සටහනක් තබමින් අමාත්‍යවරයා මෙම වරද සම්බන්ධයෙන් කනගාටුව පළ කර ඇති අතර, ඇතැම් විපක්ෂ පාර්ශ්ව විසින් මෙම ‘බංකොලොත් සංවාදය’ හිතාමතාම මතු කිරීම පිළිබඳව ද සිය අප්‍රසාදය පළ කර තිබෙනවා. කෙසේ වෙතත්, මේ වන විටත් මෙම සිදුවීම සම්බන්ධයෙන් සමාජ මාධ්‍ය තුළ විවිධ අදහස් හුවමාරු වෙමින් පවතී.