දකුණු ඉන්දීය සිනමාව ගැන කතා කරද්දී, මේ දවස්වල තියෙන උණුසුම්ම මාතෘකාව තමයි, සුපිරි නළු රජිනිකාන්ත් සහ ‘Vikram’, ‘Leo’ වැනි blockbuster නිර්මාණය කළ අධ්යක්ෂක ලෝකේෂ් කනගරාජ් (Lokesh Kanagaraj) එකතු වෙන අලුත්ම ෆිල්ම් එක. මුලින්ම ‘Thalaivar 171’ කියලා හැඳින්වූ මේ චිත්රපටයේ නිල නම, “Coolie” විදිහට එළියට දාපු දවසේ ඉඳන්, මේක ගැන තියෙන බලාපොරොත්තු ඉහළම තැනකට ඇවිත්. ඉතින්, Gossip King අපි තීරණය කළා, මේ මහා නිර්මාණය පිටුපස තියෙන නොකියූ කතා ටික ඔයාලට ගේන්න.
මුලින්ම කතා කරන්න ඕන දේ තමයි මේකේ budget එක. ආරංචිවල හැටියට, Thalaivar රජිනිකාන්ත්ට මේ චිත්රපටය සඳහා ඉන්දියානු රුපියල් කෝටි 150ක (₹150 crore) ගෙවීමක් කරලා තියෙනවා! ඒ වගේම, අධ්යක්ෂක ලෝකේෂ් කනගරාජ්ට, ඔහුගේ ‘Leo’ චිත්රපටයට ලැබුණු වැටුප වගේ දෙගුණයක්, ඒ කියන්නේ කෝටි 50ක් (₹50 crore) ලැබිලා තියෙනවා. නළුවාටයි, අධ්යක්ෂකටයි විතරක් කෝටි 200ක්! හිතාගන්න පුළුවන්ද මේකේ මහා පරිමාණය?
ගොඩක් අය හිතුවේ, මේකත් ලෝකේෂ්ගේ සුප්රසිද්ධ Lokesh Cinematic Universe (LCU) එකේ කොටසක් වෙයි කියලා. ඒ කියන්නේ, ‘Vikram’, ‘Kaithi’ වගේ චිත්රපටවලට සම්බන්ධයක් තියේවි කියලා. ඒත්, ලෝකේෂ්ම තහවුරු කරලා තියෙනවා, ‘Coolie’ කියන්නේ සම්පූර්ණයෙන්ම වෙනම, standalone කතාවක් කියලා. මත්ද්රව්ය ගැන නෙවෙයි, මේ සැරේ කතාව යන්නේ රත්තරන් ජාවාරමක් (gold smuggling) වටායි. ඒ වගේම, flashback දර්ශන සඳහා, de-aging තාක්ෂණය පාවිච්චි කරලා, අපිට තරුණ රජිනිකාන්ත්ව ආයෙත් බලාගන්න පුළුවන් වේවි!
මේකේ නළු නිළි ලැයිස්තුව දැක්කම ඇඟේ හිරිගඩු පිපෙනවා. රජිනිකාන්ත්ට අමතරව, දකුණු ඉන්දියාවේ සුපිරි තරු වන Nagarjuna, Upendra වගේම, මලයාලම් සිනමාවේ Soubin Shahirත් මෙහි රංගනයෙන් දායක වෙනවා. ඒ වගේම, අවුරුදු 38කට පස්සේ, Sathyaraj රජිනිකාන්ත් එක්ක එකට රඟපානවා.
හැබැයි, ලොකුම surprise එක ඒක නෙවෙයි. බොලිවුඩයේ Mr. Perfectionist, ආමීර් ඛාන් (Aamir Khan), ඔහුගේ පළවෙනි දකුණු ඉන්දීය චිත්රපටයට සම්බන්ධ වෙන්නේ ‘Coolie’ හරහා! ඔහුත්, රජිනිකාන්තුත්, ‘Aatank Hi Aatank’ (1995) චිත්රපටයෙන් පස්සේ එකට රඟපාන්නේ මේකෙදි.
මේ වගේ මහා නිර්මාණයකදී ප්රශ්න ඇතිවෙන එක සාමාන්යයිනේ. ‘Coolie’ චිත්රපටයේ teaser එකට, ඉලෙයියරාජාගේ (Ilaiyaraaja) පරණ සින්දුවක් පාවිච්චි කරලා, ඒකට අවසර අරන් නෑ කියලා ලොකු නීතිමය ප්රශ්නයක් ඇතිවුණා. ඒ වගේම, Nagarjuna රඟපාන action sequence එකක් online ලීක් වෙලා, ලෝකේෂ්ට ප්රසිද්ධියේම ඉල්ලීමක් කරන්නත් සිද්ධ වුණා, ඒක share කරන්න එපා කියලා.
‘Coolie’, ලොව පුරා තිරගත වෙන්න දවස යොදාගෙන තියෙන්නේ, 2025 අගෝස්තු 14 වෙනිදා. ඒ කියන්නේ, ඉන්දියාවේ නිදහස් දින නිවාඩුවත් එක්ක. හැබැයි, ඒ දවසෙම තමයි, බොලිවුඩයේ දැවැන්තම චිත්රපටයක් වෙන ‘War 2’ ත් එන්නේ. ඉතින්, Box Office එකේ ලොකුම සටනක් බලාගන්න පුළුවන් වේවි.
දැනටමත්, international markets වල advance ticket sales පටන් අරන්, පළවෙනි දවස් කිහිපය තුළම කෝටි ගණනක ටිකට්පත් විකිණිලා ඉවරයි! trade analysts-ලා කියන විදිහට, ‘Coolie’ පළවෙනි දවසේම, ලොව පුරා ඉන්දියානු රුපියල් කෝටි 100ත් 150ත් (₹100-150 crore) අතර ආදායමක් හොයන්න ඉඩ තියෙනවා.
ඉතින්, මේ එන්නේ තවත් එක රජිනිකාන්ත් ෆිල්ම් එකක් විතරක් නෙවෙයි, ඉන්දියානු සිනමාවේ ඉතිහාසය අලුතින් ලියන නිර්මාණයක් වෙන්නත් පුළුවන්. Gossip King අපි නම්, මේ ගැන තවත් තොරතුරු හොයමින් ඉන්නේ!
