රටම කතාබහට ලක්වූ ප්‍රමිතියෙන් තොර ප්‍රතිදේහ එන්නත් මිලදී ගැනීමේ සිද්ධියට අදාළ නඩුව හෙට (ජූලි 11) කොළඹ විශේෂ ත්‍රිපුද්ගල මහාධිකරණයේදී කැඳවීමට නියමිතයි. මේ වන විට මෙම නඩුවේ විත්තිකරුවන් 12 දෙනෙකුට එරෙහිව නීතිපතිවරයා විසින් අධිචෝදනා ගොනු කර අවසන්. මෙම විත්තිකරුවන් අතර හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ද සිටිනවා.
නීතිපතිවරයා ඉදිරිපත් කළ අධිචෝදනා පරීක්ෂා කළ විනිසුරු මඬුල්ලක් වන මහේන් වීරමන්, ප්‍රදීප් අබේරත්න සහ අමාලි රණවීර යන මහත්ම මහත්මීන්, පසුගිය 7 වැනිදා මෙම විත්තිකරුවන්ට අධිකරණය හමුවේ පෙනී සිටින ලෙස නියෝග කළා. ඒ අනුව, හෙට දිනයේදී ඔවුන්ට නිල වශයෙන් අධිචෝදනා පත්‍ර භාරදීමට නියමිතයි.
හිටපු ජනාධිපතිත් සාක්ෂිකරුවෙක්!
මේ නඩුවේ විශේෂත්වයක් තමයි, පැමිණිල්ලේ සාක්ෂිකරුවන් අතරට හිටපු ජනාධිපති රනිල් වික්‍රමසිංහ මහතාත්, හිටපු කැබිනට් අමාත්‍යවරුන් හතර දෙනෙකුත් නම් කිරීමට නීතිපතිවරයා කටයුතු කර තිබීම.
රටේ ජනතාවගේ සෞඛ්‍යයට සෘජුවම බලපාන මෙවැනි සංවේදී නඩුවක ඉදිරි ක්‍රියාදාමය පිළිබඳව අපේ අවධානය යොමුවී තිබෙනවා.
