T20 ශ්රේණිගත කිරීම්හි මුල් කණ්ඩායම් 05 අතරට පැමිණීම ශ්රී ලංකා කණ්ඩායමේ ප්රධාන බලාපොරොත්තුව බව නායක චරිත් අසලංක පවසනවා.
බංග්ලාදේශයට එරෙහිව අද (ජූලි 10) රාත්රියේ දී පල්ලෙකැලේ දී ආරම්භ වීමට නියමිත T20 තරගාවලියට පෙර පැවති මාධ්ය හමුවකට එක්වෙමින් අසලංක මහතා මේ බව සඳහන් කළා. ඔහු වැඩිදුරටත් කියා සිටියේ, මෙම ඉලක්කය සපුරා ගැනීම සඳහා කණ්ඩායමේ ක්රීඩකයින් මනා ලෙස කළමනාකරණය කරගනිමින් කටයුතු කළ යුතු බවයි.
කණ්ඩායමේ සංචිතයට තුන් ඉරියව් ක්රීඩකයින් වන දසුන් ශානක සහ චාමික කරුණාරත්න කැඳවා ඇති බවත්, ඔවුන්ගෙන් පිතිකරණයෙන් මෙන්ම පන්දු යැවීමෙන් ද තරගයට උපරිම දායකත්වය ලබා ගැනීම සැලසුමක් බවත් ශ්රී ලංකා නායකයා පැවසුවා.
දසුන් ශානක කණ්ඩායමේ 06 වැනි ස්ථානයේ ක්රීඩා කළ ද, එය තවමත් නිශ්චිත නොවන බවත්, තරගය අතරතුර දී එය වෙනස් විය හැකි බවත් චරිත් අසලංක සඳහන් කළා. කෙසේවෙතත්, අවිශ්ක ප්රනාන්දු අංක 04 ස්ථානයේත්, චාමික කරුණාරත්න අංක 07 ස්ථානයේත් ක්රීඩා කිරීම සුදුසු බව ද අසලංක වැඩිදුරටත් අවධාරණය කළා.
