බොලිවුඩයේ අතිශය ජනප්‍රිය සහ ප්‍රවීණ නළු ධර්මේන්ද්‍ර මහතා සිය 89 වන වියේදී පසුගිය සඳුදා (නොවැම්බර් 24) මෙලොවින් සමුගැනීමත් සමඟ සමස්ත ඉන්දීය සිනමා ක්‍ෂේත්‍රයම දැඩි ශෝකයකට පත්ව ඇත. මේ ශෝකජනක ආරංචියත් සමඟම, රට පුරා සිටින රසිකයින්ගෙන් සහ සිනමා තරු වලින් ගලා ආවේ අවසන් ගෞරව දැක්වීම් සහ සංවේදී සටහන් ය. ඒ අතරින් බොලිවුඩ් සුපිරි තරුවක් වන ෂාරුක් ඛාන්, සිය X (ට්විටර්) ගිණුමේ පළ කළ සටහන බොහෝ දෙනාගේ අවධානයට ලක්විය. පවන් හංස් ආදාහනාගාරයේදී ධර්මේන්ද්‍ර මහතාට අවසන් ගෞරව දැක්වීමට පැමිණි බොහෝ තරු අතර ෂාරුක් ඛාන්ද සිටියේය. ‘ධරම් ජී, ඔබට නිවන් සුව. ඔබ මට පියෙකු හා සමානයි… ඔබ මට ආශිර්වාද සහ ආදරය ලබා දුන් ආකාරය වෙනුවෙන් ස්තූතියි. මෙය ඔහුගේ පවුලට පමණක් නොව, සිනමාවට සහ ලොව පුරා සිටින සිනමා ලෝලීන්ට පිරිමැසිය නොහැකි, ආපසු ලබාගත නොහැකි පාඩුවක්. ඔබ අමරණීයයි… ඔබේ ආත්මය ඔබේ චිත්‍රපට සහ ඔබේ සුන්දර පවුල හරහා සදහටම ජීවත් වනු ඇත. මම ඔබට සැමවිටම ආදරෙයි.’ යනුවෙන් ෂාරුක් ඛාන් සිය ශෝකය ප්‍රකාශ කර තිබුණි. ධර්මේන්ද්‍ර මහතාගේ වියෝව බොලිවුඩයට පමණක් නොව, ලොව පුරා සිටින සිනමා රසිකයින්ටද විශාල හිස්තැනක් ඉතිරි කර ඇති බවට සැක නැත.
Rest in Peace Dharam ji. You were nothing short of a father figure to me… thank u for showering me with blessings and love the way you did. An inconsolable and irreplaceable loss to not just his family, but to cinema and film lovers world over. You are immortal… and your soul… pic.twitter.com/Vsxe8C8qVZ
— Shah Rukh Khan (@iamsrk) November 24, 2025
