ට්‍රම්ප්ගේ රාජකීය භෝජන සංග්‍රහයේදී ගැටුමක්? බකිංහැම් මාලිගයෙන් නිවේදනයක්

ඇමරිකානු හිටපු ජනාධිපති ඩොනල්ඩ් ට්‍රම්ප් මහතාගේ එක්සත් රාජධානියේ රාජ්‍ය සංචාරය අතරතුර වින්ඩ්සර් මාලිගයේදී පැවති රාජකීය භෝජන සංග්‍රහය සම්බන්ධයෙන් මාධ්‍ය වාර්තා කිහිපයක් හේතුවෙන් බකිංහැම් මාලිගය නිල ප්‍රකාශයක් නිකුත් කර තිබේ. මෙම භෝජන සංග්‍රහයට පෙර, ට්‍රම්ප් මහතාගේ ආරක්ෂක නිලධාරීන් සහ චාල්ස් රජුගේ මුළුතැන්ගෙයි කාර්ය මණ්ඩලය අතර “උණුසුම් වචන හුවමාරුවක්” ඇති වූ බවට පැතිර ගිය වාර්තා සම්බන්ධයෙන් මාලිගය විසින් මෙම නිහඬතාවය බිඳ දමන ලදී.පසුගිය බදාදා පැවති මෙම උත්කර්ෂවත් රාජ්‍ය භෝජන සංග්‍රහයේදී, චාල්ස් රජු සහ ජනාධිපති ට්‍රම්ප් යන දෙදෙනාම එක්සත් රාජධානිය සහ ඇමරිකාව අතර පවතින සුවිශේෂී සබඳතා අගය කළහ. කෙසේ වෙතත්, තිරය පිටුපසදී ජනාධිපතිවරයා සඳහා පිළියෙළ කරමින් තිබූ ආහාර පරීක්ෂා කිරීමට සහ රස බැලීමට ඔහුගේ රහස් ඔත්තු සේවා නිලධාරීන් උත්සාහ කිරීමත් සමඟ සූපවේදීන් අප්‍රසාදයට පත්වී නොසන්සුන්කාරී තත්වයක් හටගත් බවට ඇතැම් මාධ්‍ය මූලාශ්‍ර වාර්තා කර තිබුණි.මෙම වාර්තා සම්පූර්ණයෙන්ම ප්‍රතික්ෂේප කරමින් බකිංහැම් මාලිගය නිවේදනයක් නිකුත් කරමින් කියා සිටියේ, “මෙම පුවත සහ එහි සඳහන් චෝදනා සහමුලින්ම අසත්‍යයයි” යනුවෙනි. නමුත් ඩේලි මේල් පුවත්පතට අදහස් දැක්වූ මූලාශ්‍රයක් පවසා තිබුණේ, සූපවේදීන් ඉතා සූක්ෂම ලෙස ආහාර වේල් පිළියෙළ කරමින් සිටියදී, ආරක්ෂක නිලධාරීන් දිගින් දිගටම ඒවා පරීක්ෂා කිරීම නිසා දෙපාර්ශවය අතර උණුසුම් වචන හුවමාරුවක් දක්වා තත්ත්වය දුරදිග ගිය බවයි.මෙම සිදුවීම පිළිබඳව ධවල මන්දිරයෙන් සහ ඇමරිකානු රහස් ඔත්තු සේවයෙන්ද විමසීම් කර ඇති බව වාර්තා වේ. මූලාශ්‍රවලට අනුව, මෙම නොසන්සුන්තාවය සමථයකට පත්වන තෙක් මිනිත්තු කිහිපයක් ගතවී ඇති අතර, ප්‍රධාන ශාලාවේ සිටි සම්භාවනීය අමුත්තන් කිසිවෙකුත් මේ පිළිබඳව දැනුවත්ව සිට නොමැත. මෙම උත්සවයේදී හැම්ප්ෂයර් දියකිඳුරු පනා කොටා, නෝෆෝක් කාබනික කුකුළු මස් බැලටින්, කෙන්ට් රාස්බෙරි සෝබේ සහ වික්ටෝරියා ප්ලම්ස් අඩංගු අතුරුපසක් ඇතුළු ඉහළම මට්ටමේ ආහාර වේලක් පිරිනමා තිබුණි.