සීබ්රා වගේ ඉරි ඇඳපු ගවයෝ දැකලා තියෙනවද? නැතිනම් දැන් දකින්න ලැබේවි! මොකද, මේ අමුතුම අදහසට ජපාන පර්යේෂක කණ්ඩායමකට කීර්තිමත් Ig නොබෙල් ත්යාගය හිමිවෙලා තියෙනවා. මේ සම්මානය කියන්නේ ‘මුලින් මිනිස්සු හිනස්සලා, පස්සේ හිතන්න පොළඹවන’ විද්යාත්මක සොයාගැනීම්වලට දෙන එකක්. ඒ කියන්නේ මේක විහිළුවක් වගේ පෙනුනත්, මේ පිටිපස්සේ තියෙන්නේ නියම විද්යාවක්!
ජපානයේ අයිචි කෘෂිකාර්මික පර්යේෂණ මධ්යස්ථානයේ විද්යාඥයින් පෙන්වා දීලා තියෙන්නේ, ගවයින්ගේ සිරුරට ජලය මත පදනම් වූ සුදු පැහැති තීන්තවලින් සීබ්රා ඉරි ඇඳීමෙන්, දෂ්ට කරන මැස්සන්ගෙන් සැලකිය යුතු ආරක්ෂාවක් ලැබෙන බවයි. ඔවුන්ගේ පර්යේෂණවලින් හෙළිවෙලා තියෙන්නේ, මේ විදියට ඉරි ඇඳපු ගවයින් ළඟට මැස්සන්ගේ පැමිණීම සියයට 50කින් විතර අඩු වෙලා තියෙනවා කියලයි. මේක ගොවිපළවල්වලට ලොකු සහනයක්, මොකද දෂ්ට කරන මැස්සන් නිසා ගවයින්ට ආහාර ගන්න, තණකොළ කන්න බෑ, ඒ වගේම බර අඩු වෙලා, කිරි අස්වැන්නත් අඩුවෙනවා. සාමාන්යයෙන් මේකට කෘමිනාශක පාවිච්චි කළත්, ඒකෙන් වෙන හානිත් වැඩියි.
මේ සොයාගැනීමෙන් කෘමිනාශක භාවිතය අඩු කරන්න පුළුවන් වෙයි කියලා බලාපොරොත්තු වෙනවා. හැබැයි, මේ පාවිච්චි කරන තීන්ත සති කිහිපයකින් සේදී යන නිසා, ගොවියන්ට ප්රායෝගිකව පාවිච්චි කරන්න පුළුවන් ස්ථිර විසඳුමක් ඉක්මනින්ම හොයාගන්න සිද්ධ වෙයි. එතකන් නම් තණබිම්වල “සීබ්රා ගවයෝ” වැඩිපුර දකින්න ලැබෙන්නේ නැති වෙයි!
