කොචින් සිට පියාසර කරමින් තිබූ එයාර් ඉන්දියා (Air India) ගුවන් යානයක් අද (ජූලි 21) උදෑසන මුම්බායි හි චත්‍රපති ශිවාජි මහරාජ් ජාත්‍යන්තර ගුවන්තොටුපළ වෙත ගොඩ බෑමේදී ධාවන පථයෙන් ඉවතට පැනීමෙන් අනතුරට ලක්ව තිබෙනවා.
මෙම අනතුර සිදුව ඇත්තේ, පවතින වැසි සහිත කාලගුණය හේතුවෙන් ගුවන් යානය ධාවන පථයේ ලිස්සා යාමෙන් බවයි මූලික විමර්ශනවලින් අනාවරණය වී ඇත්තේ. ගුවන් තොටුපළ බලධාරීන් සඳහන් කළේ, අනතුරින් යානයේ එක් එන්ජිමකට හානි සිදුව ඇති බවයි.
කෙසේ වෙතත්, යානයේ සිටි සියලුම මගීන් සහ කාර්ය මණ්ඩලය ආරක්ෂිතව පසුවන බවට වැඩිදුර තොරතුරු වාර්තා වෙනවා. මෙම සිදුවීම සම්බන්ධයෙන් වැඩිදුර පරීක්ෂණ ක්‍රියාත්මකයි.
