iPhone 17 උණෙන් ඉන්දියාවේ මුළු නගරම පිස්සු වැටෙයි! ලංකාවේ මිලත් මෙන්න!

ලොව පුරා තාක්ෂණ ලෝලීන්ගේ සිත් ඇදගත් Apple සමාගමේ අලුත්ම iPhone 17 මාදිලිය දැන් ඉන්දියානු වෙළඳපොළටත් නිකුත් වී තිබෙනවා. මේ අලුත්ම දුරකථනය මිලදී ගැනීමට ඉන්දියාවේ රසිකයන් දක්වන උන්මාදය හරිම පුදුම සහගතයි. ඉන්දියාවේ මුම්බායි සහ දිල්ලි නගරවල Apple වෙළඳසැල් ඉදිරිපිට අලුයම 5 සිටම දැවැන්ත පෝලිම් දක්නට ලැබුණු අතර, මේ හරහා iPhone සඳහා ඉන්දියාවේ ඇති දැඩි උන්මාදය මනාව පෙන්නුම් කරනවා. iPhone 17, iPhone Air, iPhone 17 Pro, සහ iPhone 17 Pro Max ලෙස මාදිලි හතරක් යටතේ මෙය එළිදක්වා තිබෙනවා. Apple සමාගමේ “Awe Dropping” උත්සවයේදී මූලික iPhone 17 සහ iPhone Air මාදිලි ප්‍රදර්ශනය කළ අතර, පසුව සැප්තැම්බර් 9 වන දින iPhone 17 Pro සහ Pro Max මාදිලිත් එළිදැක්වූවා. මේ සමඟම Apple Watch Series 11, Watch Ultra 3, Watch SE 3 සහ නව AirPods Pro 3 ද එළිදැක්වීම විශේෂත්වයක්. මිල ගණන් දෙස බැලුවොත්, iPhone 17 (256GB) ඉන්දියානු රුපියල් 82,900ක් (ලංකා රුපියල් 345,000ක් පමණ) වන අතර, iPhone Air (256GB) ඉන්දියානු රුපියල් 1,19,900ක් (ලංකා රුපියල් 389,000ක් පමණ) වෙනවා. iPhone 17 Pro (256GB) ඉන්දියානු රුපියල් 1,34,900ක් (ලංකා රුපියල් 510,000ක් පමණ) වන අතර, iPhone 17 Pro Max (256GB) ඉන්දියානු රුපියල් 1,49,900ක් (ලංකා රුපියල් 585,000ක් පමණ) දක්වා මිලක් ගන්නවා. පූර්ව ඇණවුම් සඳහා ඉන්දියානු රුපියල් 6,000ක ක්ෂණික මුදල් ආපසු දීමේ දීමනාවක් ද හිමිවනවා. ඉතින්, මේ තරම් මුදලක් දීලා මේ අලුත්ම iPhone එකක් ගන්න තරම් මේකේ මොනවද තියෙන්නේ කියලා Gossip King අපිත් කල්පනා කරනවා!