මන්නාරම ප්රදේශයට ඇද හැලුණු ධාරානිපාත වර්ෂාව හේතුවෙන් ඉලුප්පුකඩවායි සහ සෙට්ටිකුලම් ප්රදේශ දැඩි ගංවතුර තත්ත්වයකට මුහුණ දී තිබෙනවා. කූරායි වැව, ශෙරෙට්ටිකුලම් වැව සහ මල්වතු ඔය පිටාර ගැලීමත් සමඟ සිතුම්නගර්, ආනමොටේ, ශෙරෙට්ටිකුලම් සහ ශිවපුරම් වැනි ගම්මාන සම්පූර්ණයෙන්ම ජලයෙන් යට වී යාමෙන් එහි ජනතාව මහත් අසරණ තත්ත්වයකට පත් වුණා. මේ භයානක තත්ත්වය හමුවේ ක්ෂණිකව ක්රියාත්මක වූ ශ්රී ලංකා නාවික හමුදාව, ආපදා සහන මෙහෙයුම් දියත් කරමින් ජීවිත 157ක් බේරා ගැනීමට සමත් වුණා. ගංවතුරෙන් අවතැන් වූ මෙම පුද්ගලයන් ආරක්ෂිත ස්ථාන වෙත යොමු කර, ඔවුන්ට අවශ්ය සියලු සහන සැලසීමට නාවික හමුදාව කටයුතු කර තිබෙනවා. මෙවැනි ආපදා අවස්ථාවලදී අපේ ආරක්ෂක අංශවල කැපවීම සැබවින්ම අගය කළ යුතුයි.
