අඟුරුවාතොට වෙල්යායේ අභිරහස් මරණය: තරුණ පියෙකුට අමානුෂික ලෙස පහරදී ඝාතනය කරලා!

අඟුරුවාතොට පොලිස් වසමට අයත් වතුගොඩ වෙල්යායකින්, අභිරහස් ලෙස පහරදී ඝාතනය කරන ලද තරුණ පුද්ගලයෙකුගේ මළ සිරුරක් සොයාගෙන තිබෙනවා. මෙම අවාසනාවන්ත සිදුවීමට ගොදුරු වී ඇත්තේ වෘත්තියෙන් පෙදරේරුවෙකු වූ, 29 හැවිරිදි ප්‍රදීප් හර්ෂන නම් එක්දරු පියෙක් බවට තොරතුරු වාර්තා වෙනවා. පසුගිය 4 වන දින රැකියාවට ගිය ඔහු එදින සිට නිවසට නොපැමිණීම හේතුවෙන් නිවැසියන් දැඩි කනස්සල්ලෙන් පසුවී ඇති අතර, පසුව නිව්චැටල් වතුයායේ මුරකරු විසින් මෙම මළ සිරුර මුලින්ම දැක පොලිසිය දැනුවත් කර තිබෙනවා. මරණකරුගේ මුහුණේ වම් ඇස, නාසය සහ දණහිස් ප්‍රදේශවලට එල්ල වූ පහරදීම් රැසක් මරණයට හේතුව බවට මූලික පරීක්ෂණවලදී අනාවරණය වී ඇති අතර, මෙය අමානුෂික ඝාතනයක් බවට පොලිසිය සැක පළ කරනවා. මෙම අභිරහස් ඝාතනය පිටුපස ඇති සත්‍යය කුමක්දැයි සොයා ගැනීමට අඟුරුවාතොට පොලිසිය මේ වන විට පුළුල් විමර්ශන ආරම්භ කර තිබෙනවා.