මීරිගම දෙදරු මවට අත්වූ ඛේදවාචකය: විදෙස්ගතව සිට පැමිණි සැමියා පොලිසියට!

මීරිගම, රේන්දපොළ ප්‍රදේශයෙන් වාර්තා වූ හද කම්පා කරවන පුවතක්! විදෙස්ගතව සිට මාසයකට පමණ පෙර නැවත මෙරටට පැමිණි සැමියෙකු විසින් තම 33 හැවිරිදි බිරිඳ කපා කොටා ඝාතනය කර පොලිසියට භාර වී තිබෙනවා. ඛේදජනක ලෙස දිවි තොර කර ගත් මේ දෙදරු මව ජේ.ඒ. තක්ෂිලා දිල්රුක්ෂි ලෙස හඳුනාගෙන ඇත. පොලිස් විමර්ශනවලට අනුව, සැමියා සහ බිරිඳ අතර ඇති වූ ආරවුලක් දුරදිග යාම මෙම අමානුෂික ඝාතනයට හේතුව වී ඇති බවට සැක කෙරේ. ඔවුන්ගේ නිවසට යාබද නිවසක මිදුලේදී මෙම අපරාධය සිදුකර ඇති බවට මූලික විමර්ශනවලදී අනාවරණය වී තිබෙනවා. ඝාතනයට ලක්වූ කාන්තාවගේ ගෙල ප්‍රදේශයටද දරුණු කැපුම් තුවාල සිදුවී ඇති බවට පොලීසිය සඳහන් කරයි. අපරාධයෙන් අනතුරුව සැකකාර සැමියා මීරිගම පොලිස් ස්ථානයට භාර වී ඇති අතර, සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි. මේ සම්බන්ධයෙන් මහේස්ත්‍රාත් පරීක්ෂණයද ඊයේ (18) දිනයේ පැවැත්විණි.