දඹුල්ලේ නිදි යහනේ ඝාතනය වූ එක් දරු මවගේ මරණයේ අභිරහස හෙළිවේ!

දඹුල්ල, තිත්තවැල්ගොල්ල ප්‍රදේශයෙන් වාර්තා වූ සිදුවීමක් මේ වනවිට මුළු රටම කම්පනයට පත් කර තිබේ. තම නිදි යහනේදීම අභිරහස් ලෙස මියගොස් සිටි 34 හැවිරිදි එක් දරු මවකගේ මරණය, ඝාතනයක් බවට පශ්චාත් මරණ පරීක්ෂණයෙන් තහවුරු වී ඇත. ගලේවෙල කලාප අධ්‍යාපන කාර්යාලයේ කළමනාකරන සේවා නිලධාරිනියක ලෙස සේවය කළ ඇයගේ සැමියා විසින් මුලින් පොලීසියට ප්‍රකාශ කර ඇත්තේ, ඇය විභාගයක් සඳහා පාඩම් කර සවස 4ට පමණ නින්දට ගිය බවත්, රාත්‍රී 9ට අවදි කරන ලෙස ඉල්ලා සිටි බවත්ය. නමුත් රාත්‍රියේ අවදි කිරීමට ගිය විට ඇය අවදි නොවූයෙන් අසනීප තත්ත්වයක් යැයි සිතා 1990 ගිලන් රථ සේවයට ඇමතූ බව ඔහු පැවසීය. කෙසේ වෙතත්, දඹුල්ල රෝහලේ දී විශේෂඥ අධිකරණ වෛද්‍ය කේ. එන්. සී. සේනාරත්න මහතා විසින් සිදුකළ පශ්චාත් මරණ පරීක්ෂණයේදී හෙළි වූයේ, ඇයගේ මරණයට හේතුව හිසට සිදුවූ බරපතළ හානි හේතුවෙන් ඇතිවූ අභ්‍යන්තර ලේ වහනය බවයි. මෙම තොරතුරු හෙළිවීමත් සමඟ, පොලීසිය විසින් සැකපිට ඇයගේ සැමියාව අත්අඩංගුවට ගෙන වැඩිදුර විමර්ශන ආරම්භ කර ඇත. තම දරුවා තනිකර දමා මෙලෙස අවාසනාවන්ත ඉරණමකට මුහුණ දුන් මේ මවගේ ඝාතනය පිටුපස සැඟවුණු සත්‍යය කුමක්දැයි මුළු රටම විමසිල්ලෙන් බලා සිටී.