විනෝද චාරිකාවක් යනු, එදිනෙදා ජීවිතයේ වෙහෙස නිවා, සගයන් සමග එක්වී, සතුටු මතකයන් එකතු කරගන්නා අවස්ථාවකි. එහෙත්, තංගල්ල නගර සභාවේ සේවක පිරිසක්, එලෙස සතුටින් ගිය විනෝද චාරිකාවක්, මුළු රටම කම්පාවට පත් කළ, මහා ඛේදවාචකයකින් අවසන් වූයේ, කිසිවෙකුත් නොසිතූ මොහොතකය. Gossip King අපි මේ කියන්න යන්නේ, ඇල්ල – වැල්ලවාය මාර්ගයේදී සිදු වූ, ඒ බිහිසුණු අනතුරේ හද කම්පා කරවන කතාවයි.
ඊයේ (04), තංගල්ල නගර සභාවේ සේවක පිරිසක් රැගත් බස් රථයක්, ඇල්ල – වැල්ලවාය මාර්ගයේ 24 වන සැතපුම් කණුව ආසන්නයේදී, මීටර් 200ක පමණ ගැඹුරු ප්රපාතයකට පෙරළී ගොස් තිබේ. මේ වන විට, මෙම බිහිසුණු අනතුරින්, පුද්ගලයින් 15 දෙනෙකු ජීවිතක්ෂයට පත්ව ඇති බව පොලීසිය තහවුරු කරයි. මියගිය පුද්ගලයින් අතර, කාන්තාවන් 9 දෙනෙකු සහ පිරිමි පුද්ගලයින් 6 දෙනෙකු සිටින බව වාර්තා වේ. තවත් කුඩා ළමුන් පස් දෙනෙකු ඇතුළු 18 දෙනෙකු, බරපතල තුවාල ලබා, රෝහල් ගත කර ඇත.
අනතුර සිදුවන අවස්ථාවේ, බස් රථයේ 30කට අධික පිරිසක් සිට ඇති අතර, අනතුර දුටු පළමු මොහොතේ සිට, ප්රදේශවාසීන් සහ ආරක්ෂක අංශ එක්ව, දිවි ගලවාගත් අයව බේරාගැනීමේ දැවැන්ත මෙහෙයුමක් ආරම්භ කර තිබේ. පොලීසිය, යුද හමුදාව, ගුවන් හමුදාව සහ ගිනි නිවීමේ සේවා දෙපාර්තමේන්තුවේ නිලධාරීන්, අනතුර සිදු වූ ස්ථානයේ දැඩි බැවුම් සහිත, දුෂ්කර භූ විෂමතාවය නොතකා, තුවාල ලැබූවන් මුදා ගැනීමට දැඩි පරිශ්රමයක් දරමින් සිටින බව, අපට දැකගන්නට ලැබුණි.
සිනහවෙන් සහ සතුටින් ආරම්භ කළ ගමනක්, මෙවැනි ඛේදවාචකයකින් අවසන් වීම, දරාගත නොහැකි වේදනාවකි. Gossip King අපි, මෙම අනතුරින් මියගිය සියලු දෙනාට නිවන් සුව ප්රාර්ථනා කරන අතර, ඔවුන්ගේ පවුල්වල අයට අපගේ බලවත් ශෝකය පළ කරමු. තුවාල ලබා, රෝහල් ගතව ප්රතිකාර ලබන සියලු දෙනාට, ඉක්මන් සුවය හදවතින්ම ප්රාර්ථනා කරමු!
