අපිට අසනීපයක් වූ විට, අපව රැකබලා ගන්නා, අපේ ජීවිත බේරාගන්න වෙහෙසෙන හෙද නිලධාරාරිනියන්, අපි සලකන්නේ දේවතාවියන් පිරිසක් ලෙසයි. එහෙත්, තමන්ට ප්රතිකාර කරන්නට ගිය, එවැනි දේවතාවියකට, රෝගියෙකු විසින්ම අමානුෂික ලෙස පහර දුන්, අතිශය නින්දිත සිදුවීමක්, ඊයේ දිනයේදී පානදුර මූලික රෝහලෙන් වාර්තා විය.
Gossip King අපි මේ කියන්න යන්නේ, මුළු රටේම කෝපයට හේතු වූ, ඒ බියගුලු ප්රහාරය ගැනයි.
සිද්ධිය වෙන්නේ මෙහෙමයි. ඇද වැටීමකින් තුවාල ලැබූ පුද්ගලයෙක්, ඊයේ දිනයේදී පානදුර රෝහලට පැමිණ තිබෙනවා. ඒ එන විටත්, ඔහු සිට ඇත්තේ හොඳටම බීමතින්. ප්රතිකාර ලබා දෙන අතරතුර, ඔහු රෝහල් කාර්ය මණ්ඩලයට, අසභ්ය වචනයෙන් බැණ වදිමින්, කලහකාරී ලෙස හැසිරී තිබෙනවා.
ඒ අවස්ථාවේ, මූලික ප්රතිකාර ඒකකයේ සේවය කරමින් සිටි, නිර්භීත හෙද නිලධාරිනියක්, මේ ගැන රෝහල් පොලීසියට පැමිණිලි කිරීමට ගොස් තිබෙනවා. ඇය, පැමිණිල්ල දමා, නැවතත් ප්රතිකාර ඒකකය වෙත පැමිණෙමින් සිටියදී, අර බීමත් රෝගියා, තමන් සිටි ට්රොලියෙන් බැස, මේ අහිංසක හෙදියට අමානුෂික ලෙස පහර දී තිබෙනවා!
තමන්ට ප්රතිකාර කිරීමට ගිය හෙදියකට පහර දුන් මේ “වීරයා”, ඉන් අනතුරුව, රෝහලෙන් පලා ගොස් තිබෙනවා. Gossip King අපිට දැනගන්න ලැබුණු විදිහට, මේ පුද්ගලයා මොරටුව, මෝදර ප්රදේශයේ පදිංචිකරුවෙකු බවට පොලීසිය විසින් හඳුනාගෙන අවසන්. මේ බියගුල්ලා අත්අඩංගුවට ගැනීම සඳහා, පොලීසිය මේ වන විටත් පරීක්ෂණ පවත්වනවා.
අපි අහන්නේ, අපේ රටේ සෞඛ්ය සේවකයින්ට, තමන්ගේ රාජකාරිය කරගෙන යන්නවත් ආරක්ෂාවක් නැද්ද කියලයි. තමන්ට ප්රතිකාර කරන කෙනාටම අත උස්සන, මේ වගේ තිරිසන් මිනිසුන්ට දිය යුතු දඬුවම කුමක්ද?
මේ නින්දිත පහරදීමට ලක් වූ, ඒ නිර්භීත හෙද සොයුරියට, ඉක්මන් සුවය Gossip King අපි හදවතින්ම ප්රාර්ථනා කරනවා! ඒ වගේම, මේ අපරාධකරුට, නීතියෙන් දිය හැකි උපරිම දඬුවම ලබා දෙන ලෙස, අපි බලධාරීන්ගෙන් තරයේ ඉල්ලා සිටිනවා!
