ඊයේ සවස, වවුනියාව දකුණ ප්රාදේශීය ලේකම් කාර්යාලය අසල වූ, දුම්රිය හරස් මාර්ගයේදී, සාමාන්ය පරිදි සිය කුඩා ලොරි රථයෙන් ගමන් කරමින් සිටි මේ පියා, මව සහ ඔවුන්ගේ සිව් හැවිරිදි කුඩා දියණිය, තමන් වෙත වේගයෙන් ළඟා වන මරණය දුටුවේ නැත. යාපනය බලා ධාවනය වූ දුම්රිය, ඔවුන් ගමන් කළ ලොරි රථයේ ගැටුණේ, ඇසිපිය ගසන සැණෙනි.
අනතුර දුටු බොහෝ දෙනෙකු සිතන්නට ඇත්තේ, ඒ කුඩා ලොරි රථයේ සිටි කිසිවෙකුටත්, ඒ දැවැන්ත යකඩ යකාගේ ගැටුමෙන් දිවි ගලවා ගැනීමට නොහැකි වනු ඇති බවයි.
එහෙත්, දෛවයේ හාස්කමකට මෙන්, එම දරුණු අනතුරින්, පියා, මව සහ කුඩා දියණිය යන තිදෙනාම දිවි ගලවාගෙන තිබුණි. ඔවුන් බරපතල තුවාල ලබා සිටියද, ප්රදේශවාසීන්ගේ සහ පොලීසියේ සහාය ඇතිව, වහාම වවුනියාව මහා රෝහලට ඇතුළත් කිරීමට කටයුතු කර තිබුණි.
සිව් හැවිරිදි කුඩා දියණියක්, මෙවැනි බිහිසුණු අනතුරකින් දිවි ගලවා ගැනීම, වෛද්යවරුන් පවා පුදුමයට පත් කළ සිදුවීමක් බවට පත්ව ඇත.
මේ සිදුවීම, අප සැමට ප්රාතිහාර්යයන් ගැන විශ්වාසයක් ඇති කරන අතරම, දුම්රිය හරස් මාර්ගවලදී කෙතරම් සැලකිලිමත් විය යුතුද යන්න පිළිබඳවද, වේදනාකාරී මතක් කිරීමක් සිදු කරයි.
Gossip King අපිත්, මේ අනතුරින් තුවාල ලබා, රෝහල් ගතව ප්රතිකාර ලබන, ඒ ආදරණීය පියාට, මවට සහ කුඩා දියණියට, ඉක්මන් සුවය හදවතින්ම ප්රාර්ථනා කරමු!
