කුලියාපිටිය, විල්පොළ පාලම ආසන්නයේදී අද (27) උදෑසන සිදුවූ බිහිසුණු රිය අනතුරකින් පාසල් සිසුන් දෙදෙනෙකු සහ වෑන් රථ රියදුරු ඇතුළු තිදෙනෙකු ජීවිතක්ෂයට පත්ව තිබේ. පාසල් සිසුන් රැගත් වෑන් රථයක් සහ ටිපර් රථයක් එකිනෙක ගැටීමෙන් සිදු වූ මෙම අනතුරින්, තවත් පාසල් සිසුන් ඇතුළු 13 දෙනෙකු තුවාල ලබා රෝහල් ගත කර ඇති බව පොලීසිය තහවුරු කරයි.
අද උදෑසන 7.10ට පමණ මෙම ඛේදජනක අනතුර සිදුවී ඇති බවත්, අනතුර සිදුවන අවස්ථාවේ එම ස්ථානයේ සිටි පුද්ගලයෙකු පැවසුවේ, තමන් ත්රිරෝද රථයක සිටියදී මෙම ගැටුම දුටු බවයි. “මම ත්රීවිල් එකේ ඉඳගෙන ඉන්නකොට දැක්කා වෑන් එක හැප්පෙනවා. ඉස්කෝල ළමයි 7ක් 8ක් හිටියා. ටිපර් එකේ වැදුණේ,” ඔහු සඳහන් කළේය. අනතුරින් පසු, ප්රදේශවාසීන් එක්ව තුවාල ලැබූවන් වහාම රෝහල් වෙත යැවීමට කටයුතු කළ බවද ඔහු පැවසීය.
“වෑන් එකේ රියදුරු මහත්තයා බලාගෙන ඉන්නකොටම ඇදගෙන වැටුණා. එයා නැති වුණා. ළමයි දෙන්නෙක් හිටියා නැතිවෙලා. අපි පුළුවන් තරම් වාහනවලට පැටෙව්වා. එක ළමයෙක් හොඳ තත්ත්වයෙන් හිටියා,” යනුවෙන් එම ඇසින් දුටු සාක්ෂිකරු, සිද්ධියේ බිහිසුණු බව විස්තර කළේය.
සිද්ධිය සම්බන්ධයෙන් කුලියාපිටිය පොලීසිය වැඩිදුර පරීක්ෂණ පවත්වයි.
