ගාල්ල, කොස්ගොඩ, දූවමෝදර ප්‍රදේශයේදී අද (31) අලුයම සිදු වූ වෙඩි තැබීමකින් 23 හැවිරිදි තරුණයෙකු ඝාතනය කර ඇති බව පොලීසිය තහවුරු කරයි.
පොලිස් මාධ්‍ය ප්‍රකාශක කාර්යාලය සඳහන් කළේ, අද අලුයම 5.15 ට පමණ යතුරුපැදියකින් පැමිණි හඳුනා නොගත් තුවක්කුකරුවන් දෙදෙනෙකු විසින් මෙම ප්‍රහාරය එල්ල කර පළා ගොස් ඇති බවයි.
මූලික විමර්ශනවලට අනුව, ප්‍රහාරකයින් විසින් ටී-56 වර්ගයේ ගිනි අවියක් මෙම ඝාතනය සඳහා භාවිත කර ඇති බවට අනාවරණය වී තිබේ.
සිද්ධිය සම්බන්ධයෙන් කොස්ගොඩ පොලීසිය විසින් පුළුල් පරීක්ෂණයක් ආරම්භ කර ඇති අතර, සැකකරුවන් අත්අඩංගුවට ගැනීම සඳහා විමර්ශන මෙහෙයවනු ලබයි.
