රාජගිරිය, කලපළුවාව ප්‍රදේශයේදී පුද්ගලයෙකුට පහරදීමක් සම්බන්ධයෙන් නිරූපණ ශිල්පිණී පියුමි හංසමාලිගේ පුත්‍රයා වැලිකඩ පොලිසිය විසින් අත්අඩංගුවට ගෙන තිබෙනවා.
මෙම සිදුවීම වාර්තා වී ඇත්තේ රිය අනතුරකින් පසුවයි. අත්අඩංගුවට ගත් සැකකරු, තවත් පිරිසක් සමඟ එකතුවී පුද්ගලයෙකුට පහරදී ඇති බවටයි පොලිසිය සඳහන් කරන්නේ. මෙම පහරදීමෙන් තුවාල ලැබූ තැනැත්තා රෝහල් ගත කර ඇති බව ද වාර්තා වෙනවා.
අත්අඩංගුවට ගත් සැකකරු අධිකරණයට ඉදිරිපත් කිරීමට නියමිත බව පොලිසිය වැඩිදුරටත් පැවසුවා. සිද්ධිය සම්බන්ධයෙන් වැලිකඩ පොලිසිය වැඩිදුර විමර්ශන ක්‍රියාත්මකයි.
———————————————————————————————————–
Update 5:54PM
රාජගිරිය, කලපළුවාව ප්‍රදේශයේදී පුද්ගලයෙකුට පහරදීමක් සම්බන්ධයෙන් අත්අඩංගුවට ගත් නිරූපණ ශිල්පිණී පියුමි හංසමාලිගේ පුත්‍රයා ලක්ෂ පහක ශරීර ඇපයක් මත මුදා හරින ලෙස අලුත්කඩේ අතිරේක මහේස්ත්‍රාත් මෙහොමඩ් රිස්වාන් මහතා නියෝග කර තිබෙනවා.
මෙම සැකකරු අද (ජූලි 13) වැඩබලන අතිරේක මහේස්ත්‍රාත් අංක 07 අධිකරණය වෙත ඉදිරිපත් කිරීමෙන් අනතුරුවයි මෙම නියෝගය ලබාදී ඇත්තේ.
සිද්ධිය සම්බන්ධයෙන් පියුමි හංසමාලිගේ පුත්‍රයා වැලිකඩ පොලිසිය මගින් අද (ජූලි 13) පෙරවරුවේ අත්අඩංගුවට ගැනුණා. වාර්තාවන අන්දමට, පහර කෑමට ලක් වූ පුද්ගලයා මේ වන විට රෝහල් ගතව ප්‍රතිකාර ලබනවා.
