හම්බන්තොට කුරුළු උද්‍යානයේ ගබඩාවක් තුළ නීති විරෝධී ලෙස ආනයනය කරන ලද සුඛෝපභෝගී හාර්ලි-ඩේවිඩ්සන් (Harley-Davidson) යතුරුපැදි අටක් සහ ට්‍රයිසිකල් (tricycles) හතරක් ඇතුළුව, යතුරුපැදි 20කට ආසන්න සංඛ්‍යාවක් සොයාගෙන තිබෙනවා. මෙම මෙහෙයුමෙන් අත්අඩංගුවට ගත් භාණ්ඩවල මුළු වටිනාකම රුපියල් මිලියන 200 ඉක්මවන බව පොලිසිය ප්‍රකාශ කළා.
වැඩබලන පොලිස්පතිවරයාට ලැබුණු තොරතුරක් මත, වලාන මධ්‍යම දූෂණ මර්දන ඒකකයේ නිලධාරීන් කණ්ඩායමක් විසින් අද (ජූලි 12) දිනයේ මෙම යතුරුපැදි සහ ට්‍රයිසිකල් රථ සොයාගෙන තිබෙනවා.
සිද්ධිය සම්බන්ධයෙන් කුරුළු උද්‍යානයේ කළමනාකරු ඇතුළු දෙදෙනෙක් අත්අඩංගුවට ගෙන ඇති අතර, වැඩිදුර විමර්ශන ක්‍රියාත්මකයි.
