අප්සාරි සිංහබාහු තිලකරත්න, මේ දිනවල බොහෝ දෙනාගේ අවධානයට ලක්ව ඇත්තේ තරමක් වෙනස් සිදුවීමක් නිසයි. කලකට පසුව ඇය තම අතීතය සිහිපත් කරමින්, ශ්රී ලංකන් ගුවන් සේවිකාවක් ලෙස කටයුතු කළ කාලයට නැවතත් ගොස් තිබුණා. ඒ එක්තරා සම්මුඛ සාකච්ඡාවක් සඳහායි. එහෙත්, මෙම සිදුවීම මේ වන විට නීතිමය ගැටලුවක් දක්වා වර්ධනය වෙමින් පවතින බව වාර්තා වේ.
අප්සාරිට මෙම චෝදනාව එල්ල වන්නේ අදාළ සම්මුඛ සාකච්ඡාවෙන් පසුවයි. ඇය දැනට ශ්රී ලංකන් ගුවන් සේවයේ සේවය නොකරන අතර, එයාර් ලංකා ගුවන් සේවයේ සාරියකින් සැරසී මෙම සම්මුඛ සාකච්ඡාවට ඉදිරිපත් වීම තමයි ඇයට එල්ල වී ඇති ප්රධාන චෝදනාව.
මේ සම්බන්ධයෙන් අදහස් දක්වමින් ශ්රී ලංකන් ගුවන් සේවයේ ජ්යේෂ්ඨ නිලධාරියෙකු ප්රකාශ කර ඇත්තේ, ගුවන් සේවිකාවන් ඇතුළු සියලුම ශ්රී ලංකන් සේවකයින් සේවයෙන් ඉවත් වන විට හෝ විශ්රාම යන විට, ඔවුන්ගේ නිල ඇඳුම් සහ අනෙකුත් ආම්පන්න ශ්රී ලංකන් ගුවන් සේවයට භාර දිය යුතු බවයි.
එම නිසා, මෙම සිදුවීම සම්බන්ධයෙන් නීති විරෝධී ක්රියාවක් සිදුවී ඇත්දැයි සොයා බලා, අවශ්ය පියවර ගැනීමට ශ්රී ලංකන් ගුවන් සේවය නීති උපදෙස් ලබාගන්නා බව ද එම නිලධාරියා වැඩිදුරටත් සඳහන් කර තිබුණා.
