ශ්රී ලංකාවේ සෞඛ්ය අමාත්යාංශයේ වෙබ් අඩවිය හා සම්බන්ධ data breach එකක් හරහා, රෝගීන් සහ වෛද්ය කාර්ය මණ්ඩලවලට අයත් යැයි සැලකෙන records 400,000කට ආසන්න ප්රමාණයක් නිරාවරණය වීමේ විභවයක් පවතින බවට සයිබර් ආරක්ෂණ වාර්තා පෙන්වා දෙයි. මෙම සිදුවීම ප්රථම වරට හඳුනාගෙන ඇත්තේ, FalconFeeds නම් වූ X (ට්විටර්) ගිණුමක් විසින් වන අතර, ඔවුන් වාර්තා කර ඇත්තේ, නිර්නාමික පරිශීලකයෙකු විසින් මෙම දත්ත, සුප්රසිද්ධ data breach forum එකක විකිණීමට පළ කර ඇති බවයි.
එම post එකේ සඳහන් වන නියැදි දත්ත (sample dataset) අනුව, මෙම නිරාවරණය වූ තොරතුරුවලට ජාතික හැඳුනුම්පත් අංක (NICs), දුරකථන අංක, ලිපින සහ වෛද්ය හමු වීම් (medical appointments) පිළිබඳ විස්තර වැනි සංවේදී පෞද්ගලික තොරතුරු ඇතුළත් විය හැකි බවට පෙනී යයි. එම dataset එක සඳහා ඩොලර් 3,000ක මුදලක් ඉල්ලා ඇති බවටද එම post එකේ සඳහන් වේ.
ශ්රී ලංකාවේ සයිබර් ආරක්ෂණ පසුබිම
මෑත වසර කිහිපය තුළ, රාජ්ය මෙන්ම පෞද්ගලික අංශයේ ඩිජිටල් පද්ධති ඉලක්ක කරගත් සයිබර් සිදුවීම් කිහිපයක්ම වාර්තා වී ඇත. රාජ්ය අංශයේ සෞඛ්ය පද්ධති මෙන්ම, වෙනත් ඩිජිටල් යටිතල පහසුකම් ද විවිධ අවස්ථාවලදී සයිබර් තර්ජනවලට මුහුණ දී තිබේ. 2022 වසරේදී PayHere ආයතනයට එල්ල වූ ප්රහාරයකින් records මිලියන 1.5ක් නිරාවරණය වීම සහ Cargills Bank ආයතනයෙන් දත්ත ටෙරාබයිට් 1.9ක් නිරාවරණය වීම වැනි සිදුවීම්, පෞද්ගලික අංශයද මෙවැනි අභියෝගවලට මුහුණ දෙන බවට උදාහරණ වේ.
නීතිමය සහ ප්රතිපත්තිමය රාමුව
මෙවැනි පසුබිමක් තුළ, ශ්රී ලංකාවේ සයිබර් ආරක්ෂණ නීතිමය රාමුව ශක්තිමත් කිරීම සඳහා පියවර කිහිපයක්ම ගනිමින් පවතී. යෝජිත සයිබර් ආරක්ෂණ පනත් කෙටුම්පතේ (Cyber Security Bill) ප්රධාන අංගයක් වන Cyber Security Authority (සයිබර් ආරක්ෂණ අධිකාරිය) පිහිටුවීමට සැලසුම් කර ඇති බව මීට මාස දෙකකට පමණ පෙර රජය විසින් හෙළි කරන ලදී. ඊට අමතරව, ශ්රී ලංකා CERT ආයතනය යටතේ, ජාතික සයිබර් ආරක්ෂණ මෙහෙයුම් මධ්යස්ථානයක් (NCSOC) පිහිටුවීමටද අපේක්ෂා කෙරේ.
මීට අමතරව, 2022 වසරේදී, Personal Data Protection Act (පෞද්ගලික දත්ත ආරක්ෂණ පනත) ද සම්මත කරගන්නා ලදී. එම පනතට අදාළ දත්ත ආරක්ෂණ අධිකාරිය (Data Protection Authority) තවමත් මෙහෙයුම් ආරම්භ කර නොමැති අතර, පනතේ ක්රියාත්මක වීම තවමත් සිදුවෙමින් පවතී. 2025 – 2029 කාලසීමාව සඳහා පස් අවුරුදු සයිබර් ආරක්ෂණ උපායමාර්ගික සැලැස්මක්ද රජය විසින් අනුමත කර තිබීම, මෙම ක්ෂේත්රය පිළිබඳව ඇති අවධානය පෙන්නුම් කරයි.
