ලක්ෂපති වැඩසටහන හරහා මුළු රටම හඳුනාගත්, සිරස ස්ටයින් ස්ටුඩියෝ ප්‍රධාන විධායක නිලධාරී ලෙස කටයුතු කළ චන්දන සූරියබණ්ඩාර මහතා මේ වන විට ස්වර්ණවාහිනී නාලිකාවට එක්ව ඇති බවට ආරංචි පළ වී තිබෙනවා. සිරසේ සිටි ඉතා දක්ෂ නිවේදකයෙකු ලෙසද ජනප්‍රියත්වයට පත් වූ ඔහු, ස්වර්ණවාහිනී ප්‍රධාන විධායක නිලධාරී සුසාර දිනාල් මහතා සමඟ එක්ව අලුත්ම වැඩක් කිරීමට සූදානම් වන බවයි වාර්තා වන්නේ. සිරස ආයතනයේ ප්‍රධාන පුටුවල සිටි බොහෝ දෙනෙක් මේ දිනවල එතැනින් ඉවත් වී වෙනත් ආයතන කරා යෑමට හේතුව කුමක්ද යන්න පිළිබඳව බොහෝ දෙනා අතර කතාබහක් ඇති වී තිබෙනවා. කෙසේ වෙතත්, චන්දන සූරියබණ්ඩාර ස්වර්ණවාහිනීට එක්වීමත් සමඟ, මේ නාලිකාවෙන් ඉදිරියේදී රටම කතා කරන විශාල පෙරළියක් බලාපොරොත්තු විය හැකි බවට බොහෝ දෙනා අනුමාන කරනවා. මේ අලුත් එකතුවෙන් ලංකාවේ රූපවාහිනී ක්ෂේත්‍රයට ලැබෙන අලුත් අත්දැකීම් මොනවාදැයි දැනගැනීමට රසිකයන් දැන් සිටම නොඉවසිල්ලෙන් බලා සිටිනවා.
