ලොව පුරා රසිකයන්ගේ නොමඳ ආදරය දිනාගත් “හැරී පෝටර්” කතා මාලාව නැවතත් අලුත් මුහුණුවරකින් ප්රේක්ෂකයන් හමුවට ඒමට සූදානම් වන බව ඔබ අප කවුරුත් දන්නා කතාවක්. මේ වන විටත් ඒ සම්බන්ධයෙන් විශාල උනන්දුවක් ඇති වී ඇති අතර, අලුතෙන්ම කරලියට එන පුංචි හැරී පෝටර්ගේ ඡායාරූපයක් සමාජ මාධ්යවලට නිකුත් වී තිබෙනවා.
J.K. Rowling ගේ ආදරණීය පොත් එකතුව ඇසුරින් නිර්මාණය වන මේ නව කතා මාලාව තුළ, ප්රධාන චරිතය වන හැරී පෝටර් ලෙස රංගනයෙන් එක්වන්නේ ඩොමිනික් මැක්ලොෆ්ලින් (Dominic McLoughlin) නම් තරුණ නළුවායි.
ඔහුට අමතරව, හැරීගේ සමීපතම මිතුරන් වන රොන් වීස්ලි ලෙස ඇලස්ටෙයාර් ස්ටවුට් (Alastair Stout) සහ හර්මියොන් ග්රේන්ජර් ලෙස අරාබෙල්ලා ස්ටැන්ටන් (Arabella Stanton) තෝරාගෙන තිබෙනවා. මෙම නව කතා මාලාව සඳහා වයස අවුරුදු 9-11 අතර බ්රිතාන්ය දරුවන් රැසකට රංගනයේ යෙදීමට අවස්ථාව හිමිව ඇති බව වාර්තා වෙනවා.
මෙම නව නිර්මාණය මගින් හැරී පෝටර් ලෝකය නැවතත් ප්රේක්ෂකයින් අතරට ගෙන ඒමට නියමිතයි.
