හිටපු අමාත්ය මනූෂ නානායක්කාර මහතාට අපහාසාත්මක වන අයුරින් ප්රකාශ පළ කිරීම වළක්වාලමින්, යූටියුබ් ක්රියාකරුවෙකු වන සුදත්ත තිලකසිරි මහතාට එරෙහිව වාරණ නියෝගයක් නිකුත් කිරීමට කොළඹ දිසා අධිකරණය අද (30) දින නියෝග කළේය.
හිටපු අමාත්ය මනූෂ නානායක්කාර මහතා විසින් ගොනු කරන ලද පැමිණිල්ලක් සලකා බැලූ කොළඹ දිසා විනිසුරු සඳුන් විතාන මහතා විසින් මෙම නියෝගය නිකුත් කරන ලදී. මෙම වාරණ නියෝගය 2025 අගෝස්තු මස 07 වන දින දක්වා බලපැවැත්වෙන බවට අධිකරණය වැඩිදුරටත් නියම කළේය.
එමෙන්ම, පැමිණිල්ල සම්බන්ධයෙන් කරුණු දැක්වීම සඳහා අගෝස්තු 07 වන දින අධිකරණයේ පෙනී සිටින ලෙස දන්වා විත්තිකාර සුදත්ත තිලකසිරි මහතා වෙත නොතීසි නිකුත් කිරීමටද විනිසුරුවරයා නියෝග කළේය.
පැමිණිලිකාර පාර්ශ්වය වෙනුවෙන් නීතිඥ සනත් විජේවර්ධන මහතාගේ උපදෙස් මත ජනාධිපති නීතිඥ අලි සබ්රි මහතා අධිකරණය හමුවේ කරුණු දක්වමින්, විත්තිකරු විසින් සිය සේවාදායකයාගේ කීර්තිනාමයට හානි වන අයුරින් අසත්ය සහ අපහාසාත්මක ප්රකාශ අන්තර්ජාලය ඔස්සේ දිගින් දිගටම ප්රචාරය කරමින් සිටින බව පෙන්වා දෙන ලදී. මෙම අනීතික ක්රියාකාරකම් වහාම නතර කිරීම සඳහා අධිකරණයේ මැදිහත්වීම ඉල්ලා සිටි අතර, ඒ අනුව මෙම වාරණ නියෝගය නිකුත් කරන ලෙස ඉල්ලා සිටියේය.
ඉදිරිපත් වූ කරුණු සලකා බැලීමෙන් අනතුරුව, විනිසුරුවරයා විසින් අදාළ වාරණ නියෝගය නිකුත් කරන ලදී.
