ප්‍රියංකා – නික් ආදර කතාවට වසර 7යි: හොලිවුඩයේ සුන්දරම යුවළ!

ලෝකයේ අවධානය දිනාගත් හොලිවුඩ් සහ බොලිවුඩ් සුපිරි තරු යුවළක් වන ප්‍රියංකා චොප්රා සහ නික් ජෝනාස් ඔවුන්ගේ විවාහ ජීවිතයට වසර හතක් සපිරුණු බව පසුගියදා සනිටුහන් කළා. විවාහ වී වසර කිහිපයක් ගත වුවද, ඔවුන් දෙදෙනා තවමත් ලොව පුරා රසිකයන්ට ‘Couple Goals’ ලබා දෙන ආදරණීය යුවළක් ලෙස ප්‍රසිද්ධයි. මෙම විශේෂ අවස්ථාව සිහිපත් කරමින්, නික් ජෝනාස් සිය සමාජ මාධ්‍ය ගිණුමේ ප්‍රියංකාගේ සුන්දර ඡායාරූපයක් පළ කරමින්, ‘මගේ සිහින කුමරිය සමඟ විවාහ වී වසර 7ක්’ යනුවෙන් සංවේදී සටහනක් එක් කර තිබුණා. ඊට දින කිහිපයකට පෙර, ප්‍රියංකා ද නික් වෙනුවෙන් ඉතා හෘදයාංගම සටහනක් පළ කර තිබුණා. එහි සඳහන් වූයේ, ‘මම හැමදාම මගේ සැමියාගේ කෙල්ල. එය පහසු නිසා නොව, එය පූජනීය නිසා. මට තේරුම් ගන්න තරම් ඉවසිලිවන්ත, මට හඬ නඟා කියන්න බැරි දේවල් දරාගන්න තරම් ශක්තිමත්, හැම කුණාටුවක් මැදින්ම මට ආදරය කරන්න තරම් මෘදු කෙනෙක් මට අවශ්‍ය බව දෙවියන් වහන්සේ දැන සිටියා. ඔහු මගේ සහකරු පමණක් නොවේ. ඔහු මගේ යාච්ඤාවට ලැබුණු පිළිතුරයි.’ 2018 වසරේදී ජෝධ්පූර්හි උමයිඩ් භවන් මාලිගයේදී ඔවුන් දෙදෙනා විවාහ ගිවිස ගත් අතර, 2022 ජනවාරි මාසයේදී ආදේශක මවක් හරහා ඔවුන්ගේ පළමු දරුවා වන මල්ති මේරි චොප්රා ජෝනාස් නම් දියණිය පිළිගත්තා.