ගංවතුරෙන් පීඩාවට පත් අපේ රටට Starlink වෙතින් අතිවිශේෂ තෑග්ගක්!

මේ දිනවල ශ්‍රී ලංකාවට බලපා ඇති දරුණු ගංවතුර තත්ත්වය හේතුවෙන් දහස් ගණනක් ජනතාව පීඩාවට පත්ව සිටිනවා. මෙවන් දුෂ්කර මොහොතක, ලොව ප්‍රමුඛතම චන්ද්‍රිකා අන්තර්ජාල සේවා සපයන Starlink සමාගම ශ්‍රී ලාංකිකයන් වෙනුවෙන් අතිවිශේෂ තීරණයක් ගෙන තිබෙනවා. සියලුම Starlink පාරිභෝගිකයින්ට, ඔවුන්ගේ සේවාව දෙසැම්බර් මස අවසානය දක්වා නොමිලේ ලබා දීමටයි ඔවුන් කටයුතු කර ඇත්තේ. දැනටමත් ක්‍රියාකාරීව පවතින ගිණුම් මෙන්ම, අත්හිටුවා ඇති ගිණුම් සඳහාද මෙම සහනය ස්වයංක්‍රීයව හිමිවන බව Starlink නිවේදනය කර තිබෙනවා. මෙම අභියෝගාත්මක කාලසීමාව තුළ විපතට පත් ප්‍රජාවන් සමඟ සිටින බවත්, ඔවුන්ගේ සිතුවිලි එම ජනතාව සමඟ බවත් Starlink සමාගම වැඩිදුරටත් ප්‍රකාශ කර සිටිනවා. මෙය සැබවින්ම පීඩාවට පත් ජනතාවට මහත් සහනයක් වනු ඇත.