ඇපල් ෆෑන්ස්ලාට සුබ ආරංචියක්! iOS 26.1 එකේ අලුත්ම ෆීචර්ස් මෙන්න!

ඇපල් සමාගම සිය iPhone භාවිතා කරන්නන් සඳහා බලා සිටි iOS 26.1 අප්ඩේට් එක පසුගිය නොවැම්බර් 3 වැනිදා නිකුත් කළා. මේ අප්ඩේට් එකත් එක්ක අලුත් ෆීචර්ස් ගොඩක් එකතු වෙලා තියෙනවා වගේම කලින් තිබුණු iOS 26.0.1 එකේ තිබුණු දෝෂ ගණනාවක් නිවැරදි කරලා තියෙනවා. “Liquid Glass” කියන අලුත්ම setting එකක් මේ අප්ඩේට් එකෙන් එකතු වෙලා තියෙනවා. මේකෙන් කරන්නේ, කලින් තිබුණු පෙනුමෙන් (clear look) අලුත් “tinted look” එකට මාරු වෙන්න පුළුවන් වීම. මේකෙන් apps වල UI elements සහ lock screen එකේ notifications වල පෙනුම වැඩි දියුණු වෙනවා. කලින් බොහෝ දෙනෙක්ට තිබුණු visibility සහ legibility ප්‍රශ්නවලට මේක හොඳ විසඳුමක් වේවි. තවත් වැදගත් දෙයක් තමයි, දැන් lock screen එකේ ඉඳන් කැමරා app එකට swipe කරලා යන feature එක අකර්මණ්‍ය කරන්නත් පුළුවන්. ඒ වගේම, ළමා ගිණුම් සඳහා වැඩිහිටි වෙබ් අඩවි වලට පිවිසීම සීමා කිරීමේ පහසුකමකුත් ඇපල් සමාගම මේ අප්ඩේට් එකත් එක්කම හඳුන්වා දීලා තියෙනවා. ඒක නම් දෙමව්පියන්ට ලොකු සහනයක්. AirPods භාවිතා කරන අයටත් සුබ ආරංචියක්! Live Translation feature එකට දැන් තවත් භාෂා කිහිපයක් එකතු වෙලා තියෙනවා. චීන (සරල සහ සාම්ප්‍රදායික), ජපන්, කොරියානු, සහ ඉතාලි භාෂා දැන් තත්‍ය කාලීනව පරිවර්තනය කරන්න පුළුවන්. මේත් එක්කම, AirPods හරහා Live Translation සඳහා සහය දක්වන සම්පූර්ණ භාෂා ගණන නවයක් දක්වා ඉහළ යනවා. (කලින් ඉංග්‍රීසි, ප්‍රංශ, ජර්මන්, පෘතුගීසි, ස්පාඤ්ඤ භාෂා තිබුණා.) ඉතින්, මේ අප්ඩේට් එකත් එක්ක iPhone භාවිතා කරන්නන්ට අලුත් අත්දැකීමක් විඳින්න පුළුවන් වේවි!