ඉරාජ් වීරරත්න කියන්නේ නිතරම ආන්දෝලනාත්මක පුවත් මවන කලාකරුවෙක්. මේ දිනවල ඔහුගේ අවධානය යොමුව ඇත්තේ ඉතාලියේ සිටින JVP පාක්ෂිකයෙකු වෙතයි. ඉරාජ් සිය නිල ෆේස්බුක් පිටුවේ ඉතා සංවේදී ඉල්ලීමක් ප්‍රසිද්ධ කරමින් කියා සිටියේ, තමාට තර්ජනය කරමින් Voice note සහ Call ලබා දෙන මෙම JVP පාක්ෂිකයා පිළිබඳ තොරතුරු ලබා දෙන ලෙසයි. සිංදුවක් ගායනා කිරීමට පැමිණි තමාට මෙම පුද්ගලයාගෙන් අහිංසක ලෙස තර්ජන එල්ල වන බව ඉරාජ් එහි සඳහන් කර තිබුණා. වැඩිදුරටත්, මෙම පුද්ගලයාගේ ඡායාරූපයක්ද පළකරමින්, ඔහුගේ පෙම්වතිය හෝ ඔහුව හඳුනන අයෙක් සිටී නම්, ඒ පිළිබඳව තොරතුරු ලබා දෙන ලෙසත්, එමඟින් ඉතාලි පොලීසියට ඔහුව සොයා ගැනීමට හැකි වනු ඇති බවත් ඉරාජ් කියා සිටියා. ඔහු බයියන්, ටොයියන්, සජබයියන් වශයෙන් සියලුම දෙනාගෙන් උදව් ඉල්ලා සිටියේ මෙම JVP පාක්ෂිකයා ඉතාලි පොලීසියට භාර දීමටයි. කෙසේ වෙතත්, මෙම ආන්දෝලනාත්මක ෆේස්බුක් සටහන පළකර සුළු වේලාවකින් ඔහු එය සිය පිටුවෙන් ඉවත් කරගෙන තිබීම බොහෝ දෙනාගේ අවධානයට ලක්ව තිබෙනවා. ඉරාජ්ගේ මෙම ‘ඉතාලි මෙහෙයුම’ පිටුපස ඇති සැබෑ කතාව කුමක්ද? ඔහුට එල්ල වූ තර්ජන මොනවාද? හදිසියේම පෝස්ට් එක ඉවත් කිරීමට හේතුව කුමක්ද? මේ සියල්ල බොහෝ දෙනාට ප්‍රහේලිකාවක් වී ඇති අතර, ඉරාජ්ගේ ඊළඟ පියවර කුමක් වේදැයි බොහෝ දෙනා බලා සිටිනවා.
