මිතුරු ආරවුලක් මරණයෙන් කෙළවර වෙයි: බෝතලයකින් පහරදී ඇළේ ගිල්වා ඝාතනය කරලා!

තිස්සමහාරාම ප්‍රදේශයෙන් හද කම්පා කරවනසුලු ඝාතන සිද්ධියක් වාර්තා වෙනවා. වසර ගණනාවක් තිස්සේ පැවති මිතුරුකමක්, සුළු ආරවුලක් හේතුවෙන් ඉතා ඛේදනීය ලෙස මරණයෙන් කෙළවර වී තිබෙනවා. සඳුන්ගම, ප්‍රගති මාවත ප්‍රදේශයේ ඇළක තිබී 45 හැවිරිදි පුද්ගලයෙකුගේ මළ සිරුරක් ඊයේ (17) සවස සොයාගෙන ඇත්තේ පොලිසියට ලද තොරතුරකට අනුවයි. මූලික පොලිස් විමර්ශනවලට අනුව, මියගිය පුද්ගලයා සහ ඔහුගේ 24 හැවිරිදි මිතුරා අතර ඇතිවූ පෞද්ගලික ආරවුලක් දුරදිග යාමෙන්, සැකකාර මිතුරා විසින් මරණකරුට බෝතලයකින් පහරදී පසුව ඇළේ ගිල්වා ඝාතනය කරන්නට ඇති බවට පොලිසිය සැක පළ කරනවා. සිද්ධිය සම්බන්ධයෙන් සැකකාර මිතුරා මේ වන විට තිස්සමහාරාම පොලිස් අත්අඩංගුවේ පසුවන අතර, සිද්ධිය පිළිබඳව වැඩිදුර විමර්ශන ක්‍රියාත්මකයි. මිතුරුකමේ වටිනාකම නැතිකරමින් සිදුවූ මේ අපරාධය සමස්ත ප්‍රදේශයම කම්පනයට පත්කර තිබෙනවා.