YouTube එකෙන් කන්ටෙන්ට් ක්‍රියේටර්ස්ලට ලැබුණු අලුත්ම AI බලය!

YouTube ලෝකය උඩු යටිකුරු කරන්න සූදානම්! 😱 මේ දවස්වල ලෝකේ පුරාම කතාබහට ලක්වෙන AI තාක්ෂණය, දැන් YouTube එකටත් ඇවිත්! ‘Made on YouTube’ ඉසව්වේදී, YouTube විසින් ඔවුන්ගේ වීඩියෝ නිර්මාණකරුවන්ට (Creators) අලුත්ම AI-බලැති විශේෂාංග ගණනාවක් නොමිලේම ලබා දෙන බව නිවේදනය කළා. මේක කන්ටෙන්ට් හදන අයට නම් සුපිරිම ආරංචියක්! විශේෂයෙන්ම YouTube Shorts කරන අයට දැන් Google DeepMind සමඟ එක්ව නිර්මාණය කරපු Veo 3 AI මොඩලය හරහා, වීඩියෝ පසුබිම් සහ ශබ්ද ක්ලිප් හදන්න පුළුවන්. ඒ කියන්නේ, ඔයාට ඕනම විදියක වීඩියෝ එකක් පහසුවෙන්ම, අමුතුම විදියට නිර්මාණය කරන්න පුළුවන්. ඊට අමතරව, ඉදිරියේදී නිශ්චල ඡායාරූප වලින් වීඩියෝ හදන එක, වීඩියෝ වලට ‘pop art’ හෝ ‘origami’ වගේ අලුත් පෙනුමක් දෙන එක, වගේම text prompts (ලියන දේවල්) වලින් චරිත, ප්‍රොප්ස් හෝ විශේෂ ප්‍රයෝග එකතු කරන එකත් කරන්න පුළුවන් වෙනවා. මේක ඇත්තටම නිර්මාණකරුවන්ට විශාල නිදහසක්! ඒ විතරක් නෙවෙයි, Podcast කරන අයටත් දැන් AI එකෙන් උදව් ලැබෙනවා. සම්පූර්ණ Podcast එකකින් වීඩියෝ ක්ලිප් සහ Shorts හදන්න පුළුවන්. වීඩියෝ එකක් ශූට් කරලා නැති වුණත්, AI එකෙන් ඒකට ගැලපෙන ‘කස්ටමයිස්’ වීඩියෝ එකක් හදලා දෙනවා. හිතන්නකෝ වැඩේ ලේසිද කියලා! Live Stream කරන අයටත් සුපිරිම විශේෂාංග. ‘Playables on Live’ හරහා දැන් Creatorsලට Games 75කට වඩා ප්‍රේක්ෂකයින් එක්ක සෙල්ලම් කරන්න පුළුවන්. ඒ වගේම, Live Stream කරන අතරේම AI එකෙන් ඒකෙන් highlights හෝ Shorts හදාගන්නත් පුළුවන්. මේ සියල්ලෙන් YouTube Creatorsලට තවත් ජනප්‍රිය වෙන්නත්, අලුත් දේවල් කරන්නත් විශාල අවස්ථාවක් ලැබෙනවා! YouTube මේ දවස්වල කරන වෙනස්කම් එක්ක ලෝකේ වීඩියෝ වේදිකාවල ලොකු තරඟයක් ඇතිවෙයි වගේ නේද?