බ්‍රසීලයේ හිටපු ජනාධිපති ජෙයාර් බොල්සොනාරෝට මායාකාරී දඬුවමක්? කුමන්ත්‍රණයේ සුලමුල මෙන්න!

බ්‍රසීලයේ හිටපු ජනාධිපති ජෙයාර් බොල්සොනාරෝට එරෙහිව එල්ල වූ හමුදා කුමන්ත්‍රණ චෝදනා සම්බන්ධයෙන් එරට ශ්‍රේෂ්ඨාධිකරණය දුන් තීන්දුව මේ වනවිට ලෝක දේශපාලන කරළියම උණුසුම් කර තිබෙනවා. 2022 ජනාධිපතිවරණයෙන් ඔහුගේ ප්‍රතිවාදියා වූ ලූලා ද සිල්වා ජයග්‍රහණය කළ පසු, එම මැතිවරණ ප්‍රතිඵලය අවලංගු කිරීමට බොල්සොනාරෝ විසින් හමුදා කුමන්ත්‍රණයක් සැලසුම් කළ බවට චෝදනා එල්ල වුණා.මෙම නඩුව විභාග කළ ශ්‍රේෂ්ඨාධිකරණ විනිසුරුවරුන් 5 දෙනෙකුගෙන් යුත් මණ්ඩලයෙන් 4 දෙනෙකුම ඔහු වැරදිකරු බවට තීරණය කර ඇති අතර, එක් විනිසුරුවරයෙක් පමණක් ඔහු නිදොස් කොට නිදහස් කිරීමට ඡන්දය ලබා දී තිබෙනවා. ඒ අනුව, බොල්සොනාරෝට වසර 27කුත් මාස 3ක දැවැන්ත සිර දඬුවමක් නියම වී ඇති බවයි විදෙස් මාධ්‍ය වාර්තා කරන්නේ.දැනට නිවාස අඩස්සියේ සිටින බොල්සොනාරෝ මෙම නඩු විභාගය සඳහා සහභාගී වී නැහැ. කෙසේවෙතත්, මෙම තීන්දුව සම්බන්ධයෙන් අදහස් දක්වමින් අමෙරිකානු රාජ්‍ය ලේකම් මාර්කෝ රුබියෝ ප්‍රකාශ කර ඇත්තේ මෙය ‘අසාධාරණ සහ මායාකාරී දඬුවමක්’ බවයි. මේ දඬුවම බ්‍රසීල දේශපාලනයේ ඉදිරි ගමනට කෙසේ බලපායිද යන්න මේ වනවිට බොහෝ දෙනාගේ අවධානයට ලක්වී තිබෙනවා.