දිවයින හරහා පවතින සක්රීය නිරිතදිග මෝසම් තත්ත්වය හේතුවෙන්, කාලගුණ විද්යා දෙපාර්තමේන්තුව විසින් තද සුළං පිළිබඳව අවවාදාත්මක නිවේදනයක් නිකුත් කර තිබෙනවා.
ඒ අනුව, උතුරු, උතුරු මැද, වයඹ, මධ්යම, දකුණු සහ සබරගමුව යන පළාත්වලට මෙන්ම ත්රිකුණාමලය දිස්ත්රික්කයට ද පැයට කිලෝ මීටර් 55-60ක පමණ තද සුළං ඇතිවිය හැකි බව දැනුම් දී ඇත.
දිවයිනේ සෙසු ප්රදේශවල ද විටින් විට පැයට කිලෝ මීටර් 40-50ක පමණ තරමක තද සුළං ඇතිවිය හැකි බව එම දෙපාර්තමේන්තුව වැඩිදුරටත් සඳහන් කළා.
කාලගුණ විද්යා දෙපාර්තමේන්තුව මඟින් අද (ජූලි 21) පෙරවරු 10.00ට නිකුත් කළ මෙම අවවාදාත්මක නිවේදනය හෙට (ජූලි 22) පෙරවරු 10.00 දක්වා වලංගු වන බව ද සඳහන්. මහජනතාව මේ පිළිබඳව අවධානයෙන් සිටින ලෙසට කාලගුණ විද්යා දෙපාර්තමේන්තුව ඉල්ලා සිටිනවා.
