වසර 2018 සිට ආරම්භ කළ අධ්යාපන ප්රතිසංස්කරණ ක්රියාවලිය, 2026 වසරේ සිට ක්රියාත්මක කිරීමට හැකිවනු ඇතැයි අධ්යාපන අමාත්යාංශයේ ලේකම් නාලක කලුවැව මහතා ප්රකාශ කරනවා. මෙය ශ්රී ලංකාවේ සමස්ත අධ්යාපන ක්ෂේත්රයටම විශාල බලපෑමක් ඇති කරන දැවැන්ත වෙනසක් වනු ඇත.
ජාතික අධ්යාපන ආයතනයේ මූලිකත්වයෙන්, මෙම වෙනස කුමන ආකාරයෙන් විය යුතුද යන්න පිළිබඳව පුළුල් අධ්යයනයක් සිදු කර ඇති අතර, ඒ අනුව විෂය නිර්දේශ නවීකරණය කිරීමට කටයුතු කර ඇති බව ලේකම්වරයා සඳහන් කළා.
මෙම නව අධ්යාපන ප්රතිසංස්කරණ ක්රියාවලිය 2026 ජනවාරි පළමුවැනිදා සිට ආරම්භ කිරීමට සැලසුම් කර තිබෙනවා. මෙය රටේ සියලු පාසල්වල 1 ශ්රේණියේ සිට 6 වන ශ්රේණි දක්වා ක්රමානුකූලව හඳුන්වා දීමට නියමිතයි.
නව ප්රතිසංස්කරණ හඳුන්වාදීමත් සමඟ, 2026 සිට පාසලක එක් කාලපරිච්ඡේදයක කාලය විනාඩි 50ක් බවට පත් වන අතර, දැනට තිබෙන කාලච්ඡේද අට හතක් (7) බවට පත් වනු ඇති බව ලේකම්වරයා පවසනවා.
එමෙන්ම, ප්රතිසංස්කරණ ක්රියාවලිය 1 ශ්රේණියේ සිට 6 ශ්රේණිය දක්වා ක්රියාත්මක වුවද, කාලපරිච්ඡේදවල පැය ගණන සහ පරිච්ඡේද ගණන සියලුම සිසුන්ට සමාන වන බවද ඔහු අවධාරණය කළා.
මෙම අධ්යාපන ප්රතිසංස්කරණ මගින් ශ්රී ලංකාවේ අධ්යාපනයේ ගුණාත්මකභාවය ඉහළ නැංවීමටත්, දරුවන්ට වඩාත් සාර්ථක ඉගෙනුම් අත්දැකීමක් ලබා දීමටත් අපේක්ෂා කෙරේ.
