ගම්පහ බණ්ඩාරනායක විද්‍යාලය ඉදිරිපිට මේ වන විට (ජූලි 14) දැඩි උණුසුම්කාරී තත්ත්වයක් හටගෙන තිබෙනවා. ඒ, විද්‍යාලයේ වර්තමාන විදුහල්පතිවරයාගේ ක්‍රියා කලාපයට එරෙහිව පාසලේ ආදි ශිෂ්‍ය සංගමය, සිසු දරුවන්ගේ දෙමාපියන් සහ සිසු දරුවන් එක්ව සිදු කරන දැඩි විරෝධතාවක් හේතුවෙන්.
මෙම විරෝධතාව නිසා එම ස්ථානයේ මාර්ගය අවහිර වී ඇති අතර, තත්ත්වය පාලනය කිරීම සඳහා පොලිසියද පැමිණ තිබෙන බවයි වාර්තා වන්නේ.
විරෝධතාකරුවන් අවධාරණය කරන්නේ, විදුහල්පතිවරයාගේ අක්‍රමවත් පාලනයට විසඳුම් ඉල්ලමින් සහ මාස 03ක් පුරා විද්‍යාලයේ සිදුවන දූෂිත ක්‍රමවේදයන්ට එරෙහිව මෙම විරෝධතාව පැවැත්වෙන බවයි.
තත්ත්වය තවදුරටත් උණුසුම් අතට හැරෙමින් පවතින අතර, පොලිසිය විසින් තත්ත්වය සාමකාමීව පාලනය කිරීමට උත්සාහ කරමින් සිටිනවා.
