මෙම නව බ්රවුසරය හරහා, ගූගල් සමාගමේ සාර්ථකත්වයට හේතුවූ පරිශීලක දත්ත වෙත සෘජු ප්රවේශයක් OpenAi ආයතනයට හිමිවනු ඇත. ChatGPT හි සතිපතා සක්රීය පරිශීලකයින් මිලියන 500ක් මෙම බ්රවුසරය වෙත යොමු වුවහොත්, එය ගූගල් සමාගමේ වෙළඳ දැන්වීම් ආදායම් ප්රභවයට දැඩි පීඩනයක් එල්ල කළ හැකිය. මන්ද, Chrome බ්රවුසරය Alphabet සමාගමේ වෙළඳ දැන්වීම් ව්යාපාරයේ ප්රධානතම අංගයක් වන අතර, සමාගමේ ආදායමෙන් හතරෙන් තුනකට ආසන්න ප්රමාණයක් උපයා දෙයි.
OpenAIකෙසේ වෙතත්, ඕපන්ඒඅයි ආයතනයට දැඩි තරඟයකට මුහුණ දීමට සිදුවනු ඇත. වෙබ් විශ්ලේෂණ සමාගමක් වන ස්ටැට්කවුන්ටර් (StatCounter) අනුව, බිලියන 3කට අධික ජනතාවක් භාවිතා කරන ගූගල් ක්රෝම් බ්රවුසරය, මේ වන විට ලෝක ව්යාප්ත බ්රවුසර් වෙළඳපොළෙන් තුනෙන් දෙකකට වඩා වැඩි කොටසක් හිමිකරගෙන සිටී. දෙවන ස්ථානයේ පසුවන ඇපල් සමාගමේ සෆාරි බ්රවුසරය, 16%ක කොටසක් සමඟ බොහෝ පසුපසින් සිටී.
OpenAI හි මෙම නව බ්රවුසරය, ගූගල් සමාගමේම විවෘත-මූලාශ්ර බ්රවුසර් කේතය වන ක්රෝමියම් (Chromium) මත ගොඩනගා ඇති බව ආරංචි මාර්ග දෙකක් තහවුරු කරයි. ක්රෝමියම් යනු ගූගල් ක්රෝම් මෙන්ම, මයික්රොසොෆ්ට් එජ් (Edge) සහ ඔපෙරා (Opera) ඇතුළු බොහෝ තරඟකාරී බ්රවුසර් සඳහා වන මූල කේතයයි. පසුගිය වසරේදී, ගූගල් ක්රෝම් දියුණු කළ මුල් කණ්ඩායමේ සාමාජිකයින් වූ, දීර්ඝ කාලයක් සේවය කළ ගූගල් උප සභාපතිවරුන් දෙදෙනෙකු ඕපන්ඒඅයි ආයතනය විසින් බඳවා ගන්නා ලදී.
තරඟකාරීත්ව නීති ක්රියාත්මක කරන්නන් විසින් ක්රෝම් බ්රවුසරය විකිණීමට බලකළහොත්, එය මිලදී ගැනීමට තම සමාගම කැමැත්තෙන් පසුවන බව ඕපන්ඒඅයි හි විධායක නිලධාරියෙකු අප්රේල් මාසයේදී ප්රකාශ කළේය. වෙනත් සමාගමක බ්රවුසරයක් මත ක්රියාත්මක වන “ප්ලග්-ඉන්” එකක් නිර්මාණය කරනවා වෙනුවට, තමන්ට එකතු කරගත හැකි දත්ත සම්බන්ධයෙන් වැඩි පාලනයක් ලබාගැනීම සඳහා, තමන්ගේම බ්රවුසරයක් ගොඩනැගීමට OpenAi ආයතනය තීරණය කළ බව පැවසීය. මෙම නව බ්රවුසරය නිර්මාණය කර ඇත්තේ, පරිශීලකයින් වෙබ් අඩවි වෙත පිවිස ක්ලික් කරනවා වෙනුවට, චැට්ජීපීටී වැනි ස්වදේශීය සංවාදමය අතුරුමුහුණතක් (conversational interface) තුළ ඇතැම් පරිශීලක අන්තර්ක්රියා පවත්වා ගැනීමටය. මෙම බ්රවුසරය, ඕපන්ඒඅයි හි සේවාවන් පාරිභෝගිකයන්ගේ පෞද්ගලික සහ වෘත්තීය ජීවිතය පුරා ඒකාබ්රහනය කිරීමේ පුළුල් උපායමාර්ගයක කොටසක් බව ආරංචි මාර්ග සඳහන් කරයි.
