මේ කියන්න යන්නේ හරිම අමුතු, ඒ වගේම බය හිතෙන කතාවක්. හැටන් දික්ඔය දරවල මාණික්කාවත්තෙන් තමයි මේ ආරංචිය එන්නේ. එහේ වතු කම්කරුවෝ මේ දවස්වල හරිම බයකින් ඉන්නවලු. හේතුව? රෑට නොදන්නා පිරිසක් එයාලගේ ගෙවල්වලට පනිනවලු!
මේ මුහුණු වහගත්ත පිරිස රෑ අලුයම් කාලෙට ගෙවල්වල වහල උඩින් එහෙමත් නැත්නම් ජනෙල් ඇරලා ගෙවල් ඇතුළට එනවලු. ඇවිත් ගෙවල් ඇතුළේ ඇවිදිනවලු! විදුලි ලාම්පු දැල්වුවත් වැඩක් වෙන්නේ නැහැලු, මොකද විදුලිය විසන්ධි කරලා තමයි මේ අය එන්නේ. ඉතින් කවුද කියලා අඳුරගන්න බැහැලු. කෑ ගහලා අසල්වැසියන්ගෙන් උදව් ඉල්ලනකොට නම් මේ අය පැනලා දුවනවලු කියලා තමයි බයට පත් වුණු වතු කම්කරුවෝ කියන්නේ.
ඇත්තටම මොකටද මේ අය මෙහෙම ඇවිත් වතු කම්කරුවන්ව බය කරන්නේ කියලා කවුරුත් දන්නේ නැහැලු. මේ ගැන වතු පාලක අයටයි, හැටන් පොලීසියටයි දැනුම් දීලා තියෙනවා. දැන් නම් වතුයායේ තරුණයෝ එකතු වෙලා රෑට මුර කරනවලු, මේ අයව අල්ලගන්න.
තව දෙයක්! ඔහොම ගෙදරකට ඇතුළු වුණු නොදන්නා කෙනෙක්ගේ කකුල් සලකුණක් ගෙදරක තිබිලා තියෙනවලු. තවත් ගෙදරක ආරක්ෂිත කැමරාවක මුහුණු වහගෙන යන කෙනෙක්ගේ රූපයක් සටහන් වෙලත් තිබිලා තියෙනවා කියලා වතු කම්කරුවෝ කියනවා.
මේ තත්ත්වය නිසා වතු කම්කරුවෝ දැන් තේ වත්තේ දෛනික වැඩවලට යන්නත් බයයිලු. ඒ වගේම එයාලගේ දරුවෝ ඉස්කෝලේ යන්නත් කැමති නැහැලු. ඇත්තටම මෙයාලා මේ ගැන හොඳටම කලකිරිලා ඉන්නෙ
